ଚତୁର୍ଥ ପର୍ଯ୍ୟାୟ ଲକଡାଉନ୍, ଗାଇଡ ଲାଇନ୍ ଜାରି

ପୂର୍ବପରି ସଂଧ୍ୟା ୭ଟାରୁ ସକାଳ ୭ଟା ଯାଏ କର୍ଫ୍ୟୁ ବଳବତ୍ତର ରହିବ

ନୂଆଦିଲ୍ଲୀ: ଦେଶରେ ଚତୁର୍ଥ ପର୍ଯ୍ୟାୟ ଲକଡାଉନ୍ ଆଉ ୧୪ ଦିନ ପାଇଁ ବଢ଼ାଇଛି କେନ୍ଦ୍ର। ଆସନ୍ତାକାଲି (ସୋମବାର) ପାଖରୁ ଏହି ଚତୁର୍ଥ ପର୍ଯ୍ୟାୟ ଲକଡାଉନ୍ ଲାଗୁ ହୋଇଛି। ଏବେ ଏହି ଲକଡାଉନ୍ ବେଳେ ଏହି ସବୁ ନିୟମ ପାଳନ ହେବ। ଏ ନେଇ ଗୃହ ମନ୍ତ୍ରଣାଳୟ ଗାଇଡଲାଇନ୍ ଜାରି କରିଛି।

କ’ଣ ରହିଛି ଗାଇଡ୍ ଲାଇନ୍

  • ମେଡିକାଲ ଓ ଜରୁରୀକାଳୀନ ସେବାକୁ ଛାଡ଼ି ସମସ୍ତ ବିମାନ ସେବ ବନ୍ଦ ରହିବ।
  • ମେଟ୍ରୋ ଟ୍ରେନ୍ ସେବା ବନ୍ଦ ରହିବ।
  • ସ୍କୁଲ, କଲେଜ, କୋଚିଂ ସେଣ୍ଟର ବନ୍ଦ ରହିବ, ଅନଲାଇନ୍ ପାଠପଢ଼ା ଜାରି ରହିବ।
  • ହୋଟେଲ, ରେଷ୍ଟୁରାଣ୍ଟ ବନ୍ଦ ରହିବ। ଅର୍ଡର ଯୋଗେ ପାର୍ସଲରେ ଖାଇବା ମିଳିବ।
  • ସିନେମା ହଲ୍, ସପିଂ ମଲ୍, ଜିମ୍, ସୁଇମିଂ ପୁଲ୍, ଥିଏଟର, ପାର୍କ, ବାର, ଅଟୋଟରିଅମ ବନ୍ଦ ରହିବ।
  • ସ୍ପୋର୍ଟସ କମ୍ପଲେକ୍ସ ଓ ଷ୍ଟାଡିୟମ ଖୋଲା ରହିବ, ଦର୍ଶକଙ୍କୁ ପ୍ରବେଶ ଅନୁମତି ମିଳିବନି।
  • ସମସ୍ତ ମନ୍ଦିର, ଧାର୍ମିକ ସ୍ଥଳୀ ବନ୍ଦ ରହିବ।
  • କଣ୍ଟେନମେଣ୍ଟ ଜୋନରେ ସର୍ତ୍ତମୂଳକ ଖୋଲା ରହିବ।
  • ରାଜ୍ୟ ସରକାରଙ୍କ ଅନୁମତିକ୍ରମେ ରାଜ୍ୟ ଓ ରାଜ୍ୟ ଭିତରେ ବସ ଚଳାଚଳ ହେବ।
  • ରାଜ୍ୟ ସରକାରଙ୍କ ଅନୁମତିକ୍ରମେ ଆନ୍ତଃଜିଲ୍ଲା ବସଚଳାଚଳ ସହିତ ବାଇକରେ ଗମନାଗମନ କରିହେବ।
  • ଲୋକମାନେ ଯିବା ଆସିବା ବେଳେ ଏସଓପି ପାଳନ ହେବ।
  • ପୂର୍ବପରି ସଂଧ୍ୟା ୭ଟାରୁ ସକାଳ ୭ଟା ଯାଏ କର୍ଫ୍ୟୁ ବଳବତ୍ତର ରହିବ।
  • ତେବେ ରେଡ୍, ଗ୍ରୀନ୍ ଓ ଅରେଞ୍ଜ ଜୋନରେ କେଉଁ କଟକଣା ଜାରି ରହିବ ଏବଂ କିଏ କଟକଣା ମୁକ୍ତ ହେବେ ତାହା ରାଜ୍ୟ ସରକାର ସ୍ଥିର କରିବେ ବୋଲି ଗୃହ ମନ୍ତ୍ରଣାଳୟ କହିଛି।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।