ନୂଆଦିଲ୍ଲୀ: ବର୍ଷର ଶେଷ ଦିନରେ ଚଳିତ ବର୍ଷର ଶେଷ ମନ୍ କି ବାତ କାର୍ଯ୍ୟକ୍ରମରେ ମନକଥା କହି ଦେଶବାସୀଙ୍କୁ ସମ୍ୱୋଧନ କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି। ଏହି ଅବସରରେ ଯୁବପୀଢ଼ି ଏକଜୁଟ୍ ହୋଇ ଦେଶ ଗଠନରେ ହାତ ବଢାଇବାକୁ ସେ ଆହ୍ୱାନ ଦେଇଛନ୍ତି। ବର୍ତ୍ତମାନ ସମୟରେ ଦେଶରେ ଉନ୍ନତୀ ଏବଂ ବିକାଶରେ ଜନତାଙ୍କ ମୁଖ୍ୟ ଭୂମିକା ରହିଥିବା କଥା କହିଛନ୍ତି ପ୍ରଧାନମନ୍ତ୍ରୀ । ଦେଶକୁ ଜାତିବାଦ ଏବଂ ସମ୍ପ୍ରଦାୟବାଦରୁ ମୁକ୍ତ ରଖିବାକୁ ପଡ଼ିବ ବୋଲି ସେ ଗୁରୁତ୍ୱରୋପ କରିଛନ୍ତି।
ସକାରାତ୍ମକ ଉତ୍ସାହ ରହିଲେ କଠିନରୁ କଠିନତମ କାର୍ଯ୍ୟ ସମ୍ଭବପର ହୋଇପାରିବ। ପଜେଟିଭ୍ ଇଣ୍ଡିଆ ହିଁ ପ୍ରୋଗ୍ରେସିଭ୍ ଇଣ୍ଡିଆ ଗଠନ କରିପାରିବ ବୋଲି ପ୍ରଧାନମନ୍ତ୍ରୀ କହିଛନ୍ତି । ସେବା ପରମଧର୍ମ, ଜୀବ ସେବା ହିଁ ଇଶ୍ୱର ସେବା ବୋଲି ଅବିହିତ କରିଛନ୍ତି ମୋଦି। ଆସନ୍ତା ଗଣତନ୍ତ୍ର ଦିବସ କାର୍ଯ୍ୟକ୍ରମରେ ୧୦ଟି ଏସିଅନ୍ ଦେଶର ଅତିଥି ଯୋଗ ଦେବା ନେଇ ଏହି ଅବସରରେ ସେ ସୂଚନା ଦେଇଛନ୍ତି।