ମୁମ୍ବାଇ: ବେଆଇନ ଭାବେ ସୁନା ଚାଲାଣ କରିବାର ବିଭିନ୍ନ ଉପାୟକୁ ନେଇ ସବୁ ସମୟରେ ଚର୍ଚ୍ଚା ଲାଗି ରହିଥାଏ। କେତେବେଳେ ଗ୍ରାଇଣ୍ଡର ଭିତରେ ତ କେତେବେଳେ ମଳଦ୍ୱାର ଭଳି ଅବିଶ୍ୱସନୀୟ ସ୍ଥାନରେ। କିନ୍ତୁ ସବୁଥର ପୁଲିସ୍ ନଜରରୁ ଏସବୁ ଖସିବା ମୁସ୍କିଲ ହୋଇଥାଏ ଏବଂ ସୁନା ଚାଲାଣ ଧରାପଡ଼ିବା ପରେ ଅପରାଧିଙ୍କ ରୋଚକ କାହାଣୀ ସାମ୍ନାକୁ ଆସିଥାଏ।
ଗତକାଲି ମୁମ୍ବାଇର ଛତ୍ରପତି ଶିବାଜୀ ବିମାନ ବନ୍ଦରରେ ଘଟିଛି ଏମିତି ଏକ ଘଟଣା। ଜଣେ ବ୍ୟକ୍ତି ମୋବାଇଲ୍ ଫ୍ଲିପ୍ କଭର୍ରେ ହିଁ ଅଭିନବ ଉପାୟରେ ଏକାଥରେ ୨୯୯୭ ଗ୍ରାମ୍ର ସୁନା ସହିତ ଯାତ୍ରା କରୁଥିଲା।
Officers of Air Intelligence Unit of Customs, CSI Airport, Mumbai arrested a passenger Jitendra Solanki who was in possession of three gold bars weighing 2997 grams worth Rs. 87,51,210 . The gold bars were concealed in mobile flip covers. Case registered. pic.twitter.com/4oQ8wZdVr2
— ANI (@ANI) 26 October 2018
ଗୁଇନ୍ଦା ଅଧିକାରୀଙ୍କ ସନ୍ଦେହରେ ଆସି ଧରାପଡ଼ିଥିବା ଏହି ଅଭିଯୁକ୍ତଙ୍କ ନାମ ଜିତେନ୍ଦ୍ର ସୋଲାଙ୍କି ବୋଲି ଜଣାପଡ଼ିଛି। ଜବତ ହୋଇଥିବା ସୁନାର ମୂଲ୍ୟ ୮୭, ୫୧,୨୧୦ ଟଙ୍କା ହେବ ବୋଲି ଅନୁମାନ କରାଯାଉଛି।