ଦାବି ଜଣାଇବା ପାଇଁ ଦୂରଦର୍ଶନ ଟାୱାର  ଉପରକୁ ଚଢିଲେ ଯୁବକ, ତା’ପରେ କ’ଣ ହେଲା

ମୁମ୍ବାଇ: ଦାବି ଜଣାଇବା ପାଇଁ ୧୨୫ମିଟର ଉଚ୍ଚ ଟାୱାର ଉପରକୁ ଚଢିଲେ ଯୁବକ । ଦକ୍ଷିଣ ମୁମ୍ବାଇର ୱର୍ଲିରେ ଥିବା ଦୂରଦର୍ଶନର ଏକ ଟାୱାର ଉପରକୁ ବିଳମ୍ବିତ ରାତିରେ ଜଣେ ଯୁବକ ଚଢିଯାଇଥିଲେ। ଏହାପରେ ନିଜ ଫୋନରୁ ପୋଲିସ ଓ ଦମକଳ ବାହିନୀକୁ ଖବର ଦେଇଥିଲେ।  କିନ୍ତୁ ସେମାନେ ପହଞ୍ଚିବା ପରେ ସାମ୍ବାଦିକ ମାନଙ୍କୁ ଡାକିବାକୁ ସେ ଦାବି କରିଥିଲେ। ତଳକୁ ଓହ୍ଲାଇବାକୁ ବାରମ୍ବାର କୁହାଯାଇଥିଲେ ମଧ୍ୟ ଯୁବକ ଜଣଙ୍କ ଓହ୍ଲାଇ ନ ଥିଲେ। ଶେଷରେ କିଛି ନକଲି ଭିଡିଓ କ୍ୟାମେରା ଘଟଣାସ୍ଥଳରେ ରଖାଯିବା ପରେ ଯୁବକ ଜଣଙ୍କ ଓହ୍ଲାଇଥିଲେ। ଯୁବକ ଜଣେ ପେସାରେ ଡ୍ରାଇଭର ଥିଲେ ।  ମାସେ ହେଲା ସେ ଚାକିରି ହରାଇଛନ୍ତି । ନିଜ ସମସ୍ୟା ସମ୍ପର୍କରେ ଜଣାଇବା ପାଇଁ ସେ ଦୂରଦର୍ଶନ ଟାୱାର ଉପରେ ଚଢିଥିବା ଜଣାପଡିଛି।