ନୂଆଦିଲ୍ଲୀ: ଦିଲ୍ଲୀ ଉପ ମୁଖ୍ୟମନ୍ତ୍ରୀ ମନୀଷ ସିସୋଦିଆଙ୍କର ଜଣେ ଓଏସଡି (ଅଫିସର ଅନ ସ୍ସେଶାଲ ଡ୍ୟୁଟି) ଗୁରୁବାର ଦିନ ଲାଞ୍ଚ ନେଉଥିବା ବେଳେ ସିବିଆଇ ଦ୍ୱାରା ଗିରଫ ହୋଇଛନ୍ତି। ସଂପୃକ୍ତ ଓଏସଡିଙ୍କ ନାମ ଗୋପାଳ କୃଷ୍ଣ ମାଧବ। ଜିଏସଟି ମାମଲାରେ ସେ ୨ ଲକ୍ଷ ଟଙ୍କା ଲାଞ୍ଚ ନେଉଥିବା ବେଳେ ଗତକାଲି ସିବିଆଇ ତାଙ୍କୁ ଗିରଫ କରିଛି। ୨୦୧୫ରୁ ସେ ସିସୋଦିଆଙ୍କ କାର୍ଯ୍ୟାଳୟରେ ନିଯୁକ୍ତ ରହିଛନ୍ତି।
https://twitter.com/msisodia/status/1225626592669396992
ଆଜି ସିସୋଦିଆ ଟୁଇଟ୍ କରି ସିବିଆଇ ଅଧିକାରୀଙ୍କ ଗିରଫଦାରୀ ବାବଦରେ ମତ ରଖିଛନ୍ତି। ଟୁଇଟ୍ କରି ସେ କହିଛନ୍ତି, ‘ସିବିଆଇ ଜଣେ ଜିଏସଟି ଇନସପେକ୍ଟରଙ୍କୁ ଲାଞ୍ଚ ନେଉଥିବା ବେଳେ ଗିରଫ କରିଛି। ସେହି ଅଧିକାରୀ ଜଣଙ୍କ ମୋ ଅଫିସର ଓଏସଡି ଭାବରେ ନିଯୁକ୍ତ ରହିଛନ୍ତି। ସିବିଆଇ ସେହି ଓଏସଡିଙ୍କ ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ ନେବା ଦରକାର। ବିଗତ ୫ ବର୍ଷରେ ସେ ନିଜେ ଏଭଳି କିଛି ଦୁର୍ନୀତିଗ୍ରସ୍ତ ଅଧିକାରୀଙ୍କୁ ମୁଁ ଧରାଇଛି’।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
