ଲକ୍ଷ୍ମୌ: ଉତ୍ତର ପ୍ରଦେଶରେ ମହାମେଣ୍ଟ ବିଜେପିକୁ ମାତ୍ ଦେବାରେ ବିଫଳ ହୋଇଛି। ଏହାପରେ ମହାମେଣ୍ଟର ସହଯୋଗୀ ଦଳ ବହୁଜନ ସମାଜ ପାର୍ଟି ସୁପ୍ରିମୋ ମାୟାବତୀ ପରାଜୟ ପାଇଁ ଇଭିଏମକୁ ଦାୟୀ କରିଛନ୍ତି। ଚଳିତ ନିର୍ବାଚନରେ ସମାଜବାଦୀ ପାର୍ଟି-ବହୁଜନ ସମାଜ ପାର୍ଟି-ରାଷ୍ଟ୍ରୀୟ ଲୋକ ଦଳ ମେଣ୍ଟ କରି ୮୦ ଲୋକସଭା ଆସନରୁ ଅଧିକାଂଶ ଆସନ ଜିତିବେ ବୋଲି ଆକଳନ କରିଥିଲେ।
ନିର୍ବାଚନ ଫଳାଫଳରେ ପରେ ଦେଶ ଇଭିଏମ ଉପରେ ଭରସା ତୁଟାଇସାରିଥିବା ମାୟାବତୀ ଏପରି କହିଛନ୍ତି। ଏଥିସହ ଦକ୍ଷିଣ ଭାରତରେ ବିଜେପିର ଖରାପ ପ୍ରଦର୍ଶନକୁ ନେଇ ସମାଲୋଚନା କରିଛନ୍ତି।
୮୦ ଲୋକସଭା ଆସନରୁ ବିଜେପି ଏକାକୀ ୬୨ଟି ଆସନରେ ବିଜୟୀ ହୋଇଥିବା ବେଳେ ସହଯୋଗୀ ଆପନା ଦଳ ୨ଟି ଆସନରେ ବିଜୟୀ ହୋଇଛି। ମହାମେଣ୍ଚ ୧୫ଟି ଆସନରେ ସନ୍ତୁଷ୍ଟ ହୋଇଥିବା ବେଳେ କଂଗ୍ରେସ କେବଳ ରାଏବରେଲୀରେ ବିଜୟୀ ହୋଇଛି। ଏଠାରେ ୟୁପିଏ ଅଧ୍ୟକ୍ଷ ସୋନିଆ ଗାନ୍ଧି ନିର୍ବାଚନ ଲଢ଼ୁଥିଲେ।
ପଢ଼ନ୍ତୁ: ଭଗବାନଙ୍କୁ ଇଭିଏମର ବେଦନାଭରା ଚିଠି
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
