ଅହମ୍ମଦାବାଦ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ପିଲା ବେଳେ ଚାହା ବିକ୍ରି କରୁଥିବା ସ୍ଥାନ ହେବ ପର୍ଯ୍ୟଟନସ୍ଥଳ। ଗୁଜରାଟର ଭଦନଗର ଅଞ୍ଚଳ ରେଲୱେ ପ୍ଲାଟଫର୍ମରେ ଚାହା ବିକୁଥିଲେ ମୋଦି। ମେହସାଣା ଜିଲ୍ଲା ଭଦନଗର ହେଉଛି ମୋଦିଙ୍କ ଜନ୍ମ ସ୍ଥାନ। ଏହି ଅଞ୍ଚଳକୁ ମଧ୍ୟ ବିଶ୍ୱପଯର୍ୟଟନସ୍ଥଳ ଭାବେ ଗଢିବାକୁ ନିଷ୍ପତି ହୋଇଛି। କେନ୍ଦ୍ର ପର୍ଯ୍ୟଟନ ମନ୍ତ୍ରଣାଳୟ ପକ୍ଷରୁ ଏହି ନିଷ୍ପତ୍ତ ନିଆଯାଇଛି।
କେନ୍ଦ୍ର ମନ୍ତ୍ରୀ ମହେଶ ଶର୍ମାଙ୍କ ଉପସ୍ଥିତିରେ ପର୍ଯ୍ୟଟନ ଓ ସଂସ୍କୃତି ବିଭାଗ ଏବଂ ପ୍ରତ୍ନତତ୍ତ୍ୱ ବିଭାଗ କର୍ମକର୍ତ୍ତା ରବିବାର ଏହି ସ୍ଥାନ ପରିଦର୍ଶନ କରିଥିଲେ। ଏହି ଅବସରରେ ମହେଶ ଶର୍ମା କହିଛନ୍ତି ଯେ, ଚାହା ଦୋକାନର ପୁରୁଣା ସ୍ୱରୁପକୁ ଅପରିବର୍ତ୍ତିତ ରଖି ଆଧୁନିକୀକରଣ କରାଯିବ। ପୂର୍ବରୁ ଭଦନଗର ରେଲୱେ ଷ୍ଟେସନର ବିକାଶ ପାଇଁ ଶହେ କୋଟି ଟଙ୍କା ବିନିଯୋଗ ହୋଇଥିଲା। ଏବେ ପର୍ଯ୍ୟଟନ ବିକାଶ ଦୃଷ୍ଟିରୁ ଏଠାରେ ପର୍ଯ୍ୟଟନ ବିଭାଗ ୮ କୋଟି ଟଙ୍କା ବିନିଯୋଗ କରିବ।