ନୂଆଦିଲ୍ଲୀ: ନିକଟରେ ପିଏମସି ବ୍ୟାଙ୍କର ଘୋଟାଲା ସାମ୍ନାକୁ ଆସିଥିଲା। ବ୍ୟାଙ୍କରେ ଆକାଉଣ୍ଟଧାରୀ ତାଙ୍କ ଜମା ଟଙ୍କା ଉଠାଇବା ନେଇ ଆରବିଆଇ କଟକଣା ଲଗାଇବା ପରେ ପିଏମସି ଗ୍ରାହକ ଅନେକ ଅସୁବିଧାର ସାମ୍ନା କରୁଛନ୍ତି। ଏହାକୁ ନଜରରେ ରଖି କେନ୍ଦ୍ର ସରକାର ପ୍ରତି ବ୍ୟାଙ୍କର ଆକାଉଣ୍ଟଧାରୀଙ୍କ ଜମା ଟଙ୍କା ଉପରେ ବୀମା ରାଶି ବଢ଼ାଇଛନ୍ତି। ପୂର୍ବରୁ ବିମା ରାଶି ସର୍ବାଧିକ ୧ ଲକ୍ଷ ଟଙ୍କା ରହିଥିବା ବେଳେ ଏବେ ଏହା ୫ ଲକ୍ଷକୁ ବୃଦ୍ଧି କରିଛନ୍ତି ସରକାର।
କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରମଣ ସଂସଦରେ ବଜେଟ ଉପସ୍ଥାପନ କରିବା ବେଳେ ଆହୁରି କହିଛନ୍ତି, ଜମାକାରୀଙ୍କ ଟଙ୍କା ସୁରକ୍ଷିତ ରହିଛି। ଏଥିପାଇଁ ଆଇନକୁ ସୁଦୃଢ଼ କରାଯାଇଛି। ଏହାବାଦ ଆଇଡିବିଆଇ ବ୍ୟାଙ୍କରେ ସରକାର ନିଜର ଅଂଶଧନ ବିକ୍ରି କରିବେ।
ସୂଚନାଯୋଗ୍ୟ, ପିଏମସି ବ୍ୟାଙ୍କର ଘୋଟାଲା ସାମ୍ନାକୁ ଆସିବା ପରେ ଜନସାଧାରଣ ଜମା ଟଙ୍କା ସୁରକ୍ଷିତ ରଖିବା ପାଇଁ ବୀମା ଗ୍ୟାରେଣ୍ଟି ପାଇଁ ଦାବି କରିଥିଲେ। ଏହାବାଦ କୋର୍ଟରେ ମଧ୍ୟ ବିମା ଟଙ୍କାକୁ ନେଇ ଅନେକ ପିଆଇଏଲ ଆବେଦନ ହୋଇଥିଲା।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
