ନୂଆଦିଲ୍ଲୀ: ପେଟ୍ରୋଲ ଓ ଡିଜେଲ ଦର ପୁଣି ବଢ଼ିଲା। ଆଜି ପେଟ୍ରୋଲ ଲିଟର ପିଛା ୫୭ ପଇସା ବଢ଼ିଥିବା ବେଳେ ଡିଜେଲ୍ ଲିଟର ପିଛା ୫୯ ପଇସା ବଢ଼ିଛି। ଲଗାତାର ୬ ଦିନ ହେଲା ପେଟ୍ରୋଲ୍ ଓ ଡିଜେଲ ଦର ବଢ଼ି ଚାଲିଛି। ଏହି ୬ ଦିନ ମଧ୍ୟରେ ପେଟ୍ରୋଲ ଲିଟର ପିଛା ୩.୩୧ ଟଙ୍କା ବଢ଼ିଥିବା ବେଳେ ଡିଜେଲ୍ ଲିଟର ପିଛା ୩.୪୨ଟଙ୍କା ବଢ଼ିଛି।
ନୂଆ ଦର ସହିତ ଦିଲ୍ଲୀରେ ପେଟ୍ରୋଲ୍ ଦର ଲିଟର ପିଛା ୭୪.୫୭ ଟଙ୍କା ହୋଇଯାଇଛି। ସେହିଭଳି ଡିଜେଲ୍ ଦର ଲିଟର ପ୍ରତି ୭୨.୮୧ ଟଙ୍କା ହୋଇଯାଇଛି।
ସେହିଭଳି କୋଲକାତା, ମୁମ୍ବାଇ ଓ ଚେନ୍ନାଇରେ ପେଟ୍ରୋଲ୍ର ଲିଟର ପିଛା ଦର ଯଥାକ୍ରମେ ୭୬.୪୮ ଟଙ୍କା, ୮୧.୫୩ ଓ ୭୮.୫୪ ଟଙ୍କା ହୋଇଯାଇଛି। ସେହିପରି ଏହି ତିନୋଟି ସହରରେ ଡିଜେଲ୍ର ଦର ଲିଟର ପିଛା ଯଥାକ୍ରମେ ୬୮.୭୦ ଟଙ୍କା, ୭୧.୪୮ ଓ ୭୧.୨୧ ଟଙ୍କା ହୋଇଯାଇଛି।