ନୂଆଦିଲ୍ଲୀ: ପ୍ରାଥମିକ ଭୋଟ ଗଣତିର ଟ୍ରେଣ୍ଡ ଅନୁଯାୟୀ ବିଜେପି ନେତୃତ୍ୱାଧୀନ ଏନ୍ଡିଏ ପୁଣିଥରେ କ୍ଷମତା ଦଖଲ କରିବ ବୋଲି ସ୍ପଷ୍ଟ ହେଉଛି। ଅର୍ଥାତ ପୁଣିଥରେ ନରେନ୍ଦ୍ର ମୋଦି ପ୍ରଧାନମନ୍ତ୍ରୀ ହେବେ। ତେବେ ଚୂଡ଼ାନ୍ତ ଫଳାଫଳ ପ୍ରକାଶ ପାଇବା ପୂର୍ବରୁ ହିଁ ବିରୋଧୀ ଦଳଗୁଡ଼ିକ ମୋଦି ଓ ବିଜେପିକୁ ଶୁଭେଚ୍ଛା ଜଣାଇବା ଆରମ୍ଭ କରିଛନ୍ତି।
ପ୍ରାଥମିକ ଅବସ୍ଥାରେ ଏନ୍ସି ନେତା ଓମାର ଅବଦୁଲ୍ଲା ଓ ଆପ୍ ପକ୍ଷରୁ ମୋଦିଙ୍କୁ ଶୁଭେଚ୍ଛା ଜଣାଇଛନ୍ତି। ଓମାର ଟ୍ୱିଟ୍ କରି କହିଛନ୍ତି ଯେ “ଏବେ ଏକଜିଟ୍ ପୋଲ୍ ସତ ହୋଇଛି। ଏବେ କେବଳ ମୋଦି ଓ ଏନ୍ଡିଏକୁ ଶୁଭେଚ୍ଛା ଜଣାଇବା ବାକି ରହିଛି। ଏହି ବିଜୟର ଶ୍ରେୟ ଅମିତ ଶାହ ଓ ନରେନ୍ଦ୍ର ମୋଦିଙ୍କୁ ଯିବା ଦରକାର। ସେମାନେ ହିଁ ଆସନ୍ତା ୫ ବର୍ଷ ପାଇଁ ଶାସନ କରିବା ସ୍ପଷ୍ଟ ହୋଇଛି।”