ଅହମଦାବାଦ: ସୁପ୍ରିମକୋର୍ଟଙ୍କ ତାଗିଦ ଓ କେନ୍ଦ୍ର ସରକାରଙ୍କ କମିଟି ଗଠନ ସତ୍ତ୍ୱେ ମବ୍ ଲିନ୍ଚିଂ ବା ପିଟିପିଟି ହତ୍ୟା ଘଟଣା ଥମିବାର ନା ଧରୁନି।
ଆଜି ଖୋଦ୍ ବିଜେପି ଶାସିତ ଗୁଜରାଟରେ ଚୋର ସନ୍ଦେହରେ ଜଣେ ୨୨ ବର୍ଷୀୟ ଯୁବକଙ୍କୁ ଲୋକମାନେ ପିଟିପିଟି ମାରିଦେଇଛନ୍ତି। ତାଙ୍କର ଜଣେ ବନ୍ଧୁ ମଧ୍ୟ ଲୋକଙ୍କ ଆକ୍ରମଣର ଶିକାର ହୋଇଛନ୍ତି।
ଏବେ ତାଙ୍କ ଅବସ୍ଥା ସଙ୍କଟାପନ୍ନ ରହିଛି। ଏମାନେ ମୋବାଇଲ୍ ଚୋରି କରୁଥିବା ଅଭିଯୋଗ ହୋଇଛି। ଆକ୍ରମଣ ଘଟଣାରେ ୨୦ ଜଣ ବ୍ୟକ୍ତି ସଂପୃକ୍ତ ଥିଲେ ହେଁ ପୁଲିସ୍ ଏଯାଏ କାହାକୁ ଗିରଫ କରିନାହିଁ।
ଗାଁ ଲୋକଙ୍କ କହିବା ଅନୁଯାୟୀ, ଏହି ଦୁଇ ଯୁବକଙ୍କ ସହ ଆଉ କିଛି ଲୋକ ମଧ୍ୟ ଥିଲେ। ହେଲେ ସେମାନେ ଖସି ଯାଇଛନ୍ତି। ଗତକାଲି ରାତିରେ ଆଦିବାସୀ ଅଧ୍ୟୁଷିତ ଦାହୋଡ଼ଠାରେ ଏହି ଘଟଣା ଘଟିଛି।
ପୁଲିସ୍ ଖବର ପାଇ ଘଟଣାସ୍ଥଳରେ ପହଞ୍ଚିଥିଲେ ହେଁ ସେତେବେଳକୁ ଅଜମଲ୍ ଭାୟୋନିୟାଙ୍କ ମୃତ୍ୟୁ ଘଟିଥିଲା।
ପୁଲିସ୍ ବାହୁର ମାଥୁରଙ୍କୁ ଗୁରୁତର ଅବସ୍ଥାରେ ଉଦ୍ଧାର କରିଥିଲା। ପୁଲିସ୍ ମାମଲା ରୁଜୁ କରି ତଦନ୍ତ ଆରମ୍ଭ କରିଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
