ନୂଆଦିଲ୍ଲୀ:କଶ୍ମୀର ଉପତ୍ୟକାକୁ ନେଇ ଭାରତ ଏବଂ ପାକିସ୍ତାନ ମଧ୍ୟରେ ଦୀର୍ଘଦିନ ଧରି ଲାଗି ରହିଛି ଦ୍ୱିପାକ୍ଷିକ ସମସ୍ୟା। ଥରେ ଭାରତର ପୂର୍ବତନ ପ୍ରଧାନମନ୍ତ୍ରୀ ଅଟଳ ବିହାରୀ ବାଜପେୟୀ ପାକିସ୍ତାନର ବର୍ତ୍ତମାନ ପ୍ରଧାନମନ୍ତ୍ରୀ ଇମ୍ରାନ୍ ଖାନ୍ଙ୍କୁ ଏହାର ସମାଧାନ ବାବଦରେ କହିଥିଲେ ବୋଲି ଇମ୍ରାନ୍ କହିଛନ୍ତି। ବାଜେପୟୀ କହିଥିଲେ, ବିଜେପି ୨୦୦୪ ଲୋକସଭା ନିର୍ବାଚନ ହାରିନଥଲେ ଏହି ସମାଧାନ ହୋଇପାରିଥାନ୍ତା।
ଖବରଦାତାଙ୍କୁ ସୂଚନା ଦେବାଅବସରରେ କହିଥିଲେ, ପୂର୍ବତନ ବୈଦେଶିକ ମନ୍ତ୍ରୀ ନଟବର ସିଂହଙ୍କର ମଧ୍ୟ ସମାନ ମତ ଥିଲା। ଇମ୍ରାନ୍ କହିଥିଲେ, ଏହାର ଅର୍ଥ ହେଉଛି କଶ୍ମୀର ପ୍ରସଙ୍ଗର ସମାଧାନ ଅଛି ଏବଂ ଏକ ନିର୍ଦ୍ଦିଷ୍ଟ ସମୟରେ ଉଭୟ ଦେଶ ଏହି ସମାଧାନର ନିକଟତର ହୋଇପାରିଥିଲେ।
ଦ୍ୱିପାକ୍ଷିକ ଆଲୋଚନା ନହେଲେ ଏହି ସମସ୍ୟାର ବିଭିନ୍ନ ବିକଳ୍ପ ବାବଦରେ ଆଲୋଚନା କରାଯାଇନପାରେ। ଉପାୟ ବାବଦରେ ସେ କହିଥିଲେ ୨ରୁ ୩ଟି ଉପାୟ ରହିଛି ଏବଂ ବର୍ତ୍ତମାନ ଏହା ଜଣାଇବାର ସମୟ ନୁହେଁ ବୋଲି ସେ କହିଥିଲେ।