ଜମ୍ମୁ: ପାକିସ୍ତାନ ସେନା ପୁଣି ଥରେ ଅସ୍ତ୍ରବିରତି ଉଲ୍ଲଂଘନ କରିଛି। ଜମ୍ମୁ ଓ କାଶ୍ମୀରର ରଜୌରୀଠାରେ ନିୟନ୍ତ୍ରଣ ରେଖା (ଏଲ୍ଓସି) ଓ କାଠୁଆ ଜିଲ୍ଲାର ଅନ୍ତର୍ଜାତୀୟ ସୀମା ନିକଟରେ ପାକ୍ ସେନା ପକ୍ଷରୁ ଭାରତୀୟ ସେନାର ଛାଉଣୀ ଉପରକୁ ଗୁଳି ମାଡ଼ କରାଯାଇଥିଲା। ଭାରତୀୟ ଯବାନମାନେ ବି ଏହାର କଡ଼ା ଜବାବ ଦେଇଥିଲେ। ଏହି ଗୁଳି ବିନିମୟରେ ଜଣେ ବିଏସ୍ଏଫ୍ ଯବାନ ଆହତ ହୋଇଛନ୍ତି।
ରଜୌରୀଠାରେ ଗତକାଲି ରାତି ୧୨ଟା ୪୦ରେ ପାକିସ୍ତାନ ସେନା ଭାରତୀୟ ସେନା ଛାଉଣୀ ଉପରକୁ ଲକ୍ଷ୍ୟ କରି ଗୁଳି ଚଳାଇଥିଲା।
କାଠୁଆ ଜିଲ୍ଲାର ହୀରାନଗର ସେକ୍ଟରରେ ଆଜି ସକାଳ ପ୍ରାୟ ୯ଟା ୪୫ରୁ ପାକ୍ ଯବାନମାନେ ଗୁଳି ଚଳାଇଥିଲେ। ୧୫ ମିନିଟ୍ ଧରି ଜୋରଦାର ପାକ୍ ସେନା ଓ ଭାରତୀୟ ଯବାନଙ୍କ ମଧ୍ୟରେ ଗୁଳିବିନିମୟ ହୋଇଥିଲା। ଏହି ଗୁଳିମିନିମୟ ବେଳେ ଜଣେ ପାକିସ୍ତାନ ଯବାନଙ୍କ ମୃତ୍ୟୁ ଘଟିଥିବା କୁହାଯାଉଛି। କିନ୍ତୁ ଏ ନେଇ ସ୍ପଷ୍ଟ ସୂଚନା ମିଳିନାହିଁ।
ପାକିସ୍ତାନ ଅଧିକୃତ କାଶ୍ମୀରରେ ଭାରତୀୟ ସେନାର ସର୍ଜିକାଲ୍ ଅପରେସନ୍ ପରେ ଉଭୟ ଅନ୍ତର୍ଜାତୀୟ ସୀମା ଓ ଏଲ୍ଓସିରେ ପାକିସ୍ତାନ ସେନା ଏହି ଦୁଇ ଘଟଣାକୁ ମିଶାଇ ମୋଟ ୩୧ ଥର ଅସ୍ତ୍ରବିରତି ଉଲ୍ଲଂଘନ କରି ସାରିଲାଣି।