ଇସଲାମାବାଦ: ପାକିସ୍ତାନ ଟିଭି ଚ୍ୟାନେଲର ଭାରତର ଜାତୀୟ ପତାକା ‘ତ୍ରିରଙ୍ଗା’ ଉଡୁଥିବା ଦେଖିବାକୁ ମିଳିଛି। ଡନ ନାମକ ନ୍ୟୁଜ ଚ୍ୟାନେଲରେ ହ୍ୟାକର ସାଇବର ଆଟାକ କରିଥିବା ସୂଚନା ରହିଛି। ଏହି ଘଟଣାର ଭିଡିଓ ଏବେ ସୋଶାଲ ମିଡିଆରେ ଭାଇରାଲ ହୋଇଛି।
ରବିବାର ଅପରାହ୍ନ ୩ଟା ୩୦ ପାଖାପାଖି ସମୟରେ ଡନ ନ୍ୟଜ୍ ଚ୍ୟାନେଲରେ ବିଜ୍ଞାପନ ପ୍ରସାରଣ ଚାଲିଥିଲା। ଏହି ସମୟରେ ଟିଭି ସ୍କ୍ରିନରେ ହଠାତ୍ ତ୍ରିରଙ୍ଗା ଉଡ଼ୁଥିବା ଦେଖିବାକୁ ମିଳିଥିଲା। ଯେଉଁଥିରେ ସ୍ୱାଧୀନତା ଦିବସ ଅବସରରେ ଶୁଭେଚ୍ଛା ବାର୍ତ୍ତା ଥିଲା। କିଛି ସମୟ ଏଭଳି ଶୁଭେଚ୍ଛା ବାର୍ତ୍ତା ପ୍ରସାରିତ ହେବା ପରେ ଉଭାନ ହୋଇଯାଇଥିବା ଡନ ନ୍ୟୁଜ ଚ୍ୟାନେଲ ପକ୍ଷରୁ କୁହାଯାଇଛି।
ତେବେ ସଂପୃକ୍ତ ଟିଭି ଚ୍ୟାନେଲ ସ୍ପଷ୍ଟ କରି ନାହିଁ କେତେ ସମୟ ପାଇଁ ଏଭଳି ଭିଡ଼ିଓ ଚାଲିଥିଲା। ତେବେ ଡନ୍ ନ୍ୟୁଜ ଚ୍ୟାନେଲର ଆଇଟି ଟିମକୁ ତଦନ୍ତ ପାଇଁ ନିର୍ଦ୍ଦେଶ ଦେଇଥିବା ଉର୍ଦ୍ଦୂରେ ଟ୍ୱିଟ୍ କରି ସୂଚନା ଦେଇଛି। ଏଯାବତ କୌଣସି ହ୍ୟାକର ମଧ୍ୟ ଏଭଳି କରିଥିବା ନେଇ ସ୍ପଷ୍ଟୀକରଣ ରଖିନଥିବା ସୂଚନା ରହିଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।