ଶ୍ରୀନଗର: ଜମ୍ମୁ କଶ୍ମୀର ପୁଲଓ୍ୱାମାରେ ହୋଇଥିବା ସିଆରପିଏଫ ଗାଡ଼ି ଉପରେ ହୋଇଥିବା ଆତଙ୍କବାଦୀ ଆକ୍ରମଣ କରିଥିବା ଆତଙ୍କବାଦୀ ଆଦିଲ ଡାରର ସମ୍ପର୍କୀୟ ଭାଇ ସମୀର ଡାରର ଏକ ମନ୍ତବ୍ୟ ଭାରତୀୟ ସେନାର ଟେନସନ ବଢ଼ାଇଛି। ପାକିସ୍ତାନର ଆତଙ୍କବାଦୀ ସଂଗଠନ ଜୈଶ-ଏ-ମହମ୍ମଦ ଆତଙ୍କବାଦୀଙ୍କ ପାଖରେ ପତଳା ଷ୍ଟିଲରେ ତିଆରି ହୋଇଥିବା ଗୁଳିର ଆଧାର ବା ଖୋଳ ରହିଛି। ଏହି ଗୁଳିକୁ ବିଭିନ୍ନ ବନ୍ଧୁକରେ ଭର୍ତ୍ତି କରି ବ୍ୟବହାର କରିହେବ। ଯାହାକି ବୁଲେଟ ପ୍ରୁଫ ଗାଡ଼ିକୁ ମଧ୍ୟ ଭେଦ କରିପାରିବ। କିନ୍ତୁ ଏଭଳି ଗୁଳି ବ୍ୟବହାର ଉପରେ ସାରା ବିଶ୍ୱରେ ପ୍ରତିବନ୍ଧକ ଲଗାଯାଇଛି।
ଏହି ପତଳା ଗୁଳିର ଆଧାର ବା ଖୋଳ କିନ୍ତୁ ଚୀନ ତିଆରି କରିଥାଏ। ସେହିଠାରୁ ଆତଙ୍କବାଦୀ ମାନେ ଏହି ଗୁଳି ଆଣିଥାନ୍ତି। ଏଭଳି ଖୁଲାସା ପରେ କଶ୍ମୀରରେ ଆତଙ୍କବାଦୀଙ୍କ ଗୁଳିରୁ ବର୍ତ୍ତିବା ପାଇଁ ବୁଲେଟ ପ୍ରୁଫ ଗାଡ଼ି ବା ବଙ୍କର ବ୍ୟବହାର କରୁଥିବା ସୁରକ୍ଷା ବଳ ଚିନ୍ତାରେ ପଡ଼ିଛି।
ସମୀର ଡାର ଡିସେମ୍ୱର ୨୦୧୯ରେ ଜୈଶ-ଏ-ମହମ୍ମଦର ଆତଙ୍କବାଦୀଙ୍କୁ କଶ୍ମୀର ଘାଟିରେ ପହଞ୍ଚିଥିଲେ। ସମୀର ପୁଲଓ୍ୱାମା ଜିଲ୍ଲା କାକପୋରା ନିବାସୀ। ସୁରକ୍ଷାବଳ ଉପରେ ଗୁଳି ମାରି ଚମ୍ପଟ ମାରୁଥିବା ବେଳେ ସମୀରକୁ ସୁରକ୍ଷା ଅଧିକାରୀ ଅଟକ ରଖିଥିଲେ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
