ଅହମଦାବାଦ: ବଲିଉଡ ଅଭିନେତା ତଥା ପୂର୍ବତନ ବିଜେପି ସାଂସଦ ପରେଶ ରାଓ୍ୱଲଙ୍କ ଦୁଇ ଭାଇ ଗିରଫ ହୋଇଛନ୍ତି। ଜୁଆ ଆଡାରେ ଚଢ଼ାଉ କରି ପରେଶ ରାଓ୍ୱଲଙ୍କ ଦୁଇ ଭାଇକୁ ଗିରଫ କରିଛି ଗୁଜରାଟ ପୁଲିସ। ଏହାକୁ ନେଇ ବିଜେପି କଂଗ୍ରେସ ମଧ୍ୟରେ ଆରମ୍ଭ ହୋଇଛି ଆରୋପ ପ୍ରତ୍ୟାରୋପ।
ପୁଲିସ କହିଛି, ଭିସନଗର ମଥୁରାଦାସ କ୍ଲବର ଏକ ଜୁଆ ଆଡା ଚାଲିଥିଲା। ଏହି ସମୟରେ ପୁଲିସ ଚଢ଼ାଉ କରି ୨୦ ଜଣ ଜୁଆ ଖେଳାଳିଙ୍କୁ ଗିରଫ କରିଛି। ଜୁଆ ଖେଳାଳିଙ୍କ ମଧ୍ୟରେ ଫିଲ୍ମ ଅଭିନେତା ତଥା ପୂର୍ବତନ ବିଜେପି ସାଂସଦ ପରେଶ ରାୱଲଙ୍କ ଭାଇ ହିମାଂଶୁ ରାୱଲ ଏବଂ କିର୍ତ୍ତିକୁମାର ରାୱଲ ରହିଛନ୍ତି।
ହିମାଂଶୁ ରାଓ୍ୱଲ ପାରେଶ ରାୱଲଙ୍କ ପ୍ରକୃତ ଭାଇ ହୋଇଥିବାବେଳେ କିର୍ତ୍ତିକୁମାର ତାଙ୍କ ମାଉସୀଙ୍କ ପୁଅ। ପୁଲିସ ଚଢ଼ାଉ କରି ଗୋଟିଏ ଟେବୁଲରୁ ୧ ଲକ୍ଷ ୯୪ ହଜାର ୧୦୩ ଟଙ୍କା ସହିତ ୧୬ଟି ମୋବାଇଲ ଏବଂ ୩ଟି ଗାଡ଼ି ଜବତ କରିଛି। ଚଢ଼ାଉ ହୋଇଥିବା କ୍ଲବରେ ତିନୋଟି ଟେବୁଲରେ ଜୁଆ ଖେଳାଯାଉଥିଲା। ତିନୋଟି ଟେବୁଲରୁ ପୁଲିସ ମୋଟ୍ ୬ ଲକ୍ଷ ୩୩ ହଜାର ୫୦୦ ଟଙ୍କା ଜବତ କରିଛି।
ସୂଚନାଯୋଗ୍ୟ, ୬୫ ବର୍ଷୀୟ ପରେଶ ରାଓ୍ୱଲ ୨୦୧୪ରୁ ୨୦୧୯ ଯାଏ ଅହମଦାବାଦର ପୂର୍ବ ଲୋକସଭା ଆସନରେ ବିଜେପି ସାଂସଦ ଥିଲେ। ପରେଶ ରାଓ୍ୱାଲ ବଲିଉଡର ଜଣେ ଜଣା ଶୁଣା ଚେହେରା।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
