ଚେନ୍ନାଇ: ପୂର୍ବତନ ଏଆଇଏଡିଏମ୍କେ ନେତା ଟିଟିଭି ଦିନାକରନଙ୍କ ଗାଡ଼ି ଉପରକୁ ଆଜି ପେଟ୍ରୋଲ୍ ବୋମାମାଡ଼ ହୋଇଛି।
ଚେନ୍ନାଇ ସ୍ଥିତ ତାଙ୍କ ଘର ସାମ୍ନାରେ ଏହି ଘଟଣା ଘଟିଥିଲେ ହେଁ ବୋମାମାଡ଼ ବେଳେ ସେ ଗାଡ଼ିରେ ନଥିଲେ। ଏହି ଆକ୍ରମଣରେ ଦିନାକରନଙ୍କ ଡ୍ରାଇଭର ଓ ବ୍ୟକ୍ତିଗତ ଫଟୋଗ୍ରାଫର୍ ଗୁରୁତର ଆହତ ହୋଇଛନ୍ତି।
ଏହି ଆକ୍ରମଣର କାରଣ ଜଣାପଡ଼ି ନାହିଁ। ତେବେ ବୁଲେଟ୍ ପରିମାଲାମ୍ ନାମକ ଜଣେ ଦଳରୁ ବହିଷ୍କୃତ ନେତା ଏଭଳି ଆକ୍ରମଣ କରିଥିବା ଚର୍ଚ୍ଚା ହେଉଛି।
ଦିନାକରଣ ଏଆଇଏଡିଏମ୍କେରୁ ବାହାରିଯିବା ପରେ ନିଜର ଏକ ଦଳ ଗଠନ କରିଥିଲେ। ସେ ଚେନ୍ନାଇର ଆର୍କେ ନଗର ଉପ ନିର୍ବାଚନରେ ବିଜୟୀ ହୋଇଥିଲେ।
ଏହି ଆସନଟି ଦିବଂଗତ ତାମିଲନାଡୁ ମୁଖ୍ୟମନ୍ତ୍ରୀ ଜୟଲଳିତାଙ୍କ ଗଡ଼ ଭାବେ ପରିଚିତ ଥିଲା।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
