ନୂଆଦିଲ୍ଲୀ: ବିଜେପି ମୁଖପାତ୍ର ତେଜିନ୍ଦର ପାଲ୍ ସିଂହ ବଗ୍ଗାଙ୍କ ଏକ ପୋଷ୍ଟର୍କୁ ନେଇ ବିବାଦ ସୃଷ୍ଟି ହୋଇଛି। ଦିଲ୍ଲୀର ପ୍ରମୁଖ ଛକଗୁଡ଼ିକ ସହିତ ବିଜେପି କାର୍ଯ୍ୟାଳୟ ବାହାରେ ଏହି ପୋଷ୍ଟର୍ ଲାଗିଛି। ଏଥିରେ ପୂର୍ବତନ ପ୍ରଧାନମନ୍ତ୍ରୀ ରାଜୀବ ଗାନ୍ଧିଙ୍କୁ ‘ଫାଦର ଅଫ୍ ମୋବ୍ ଲିଞ୍ଚିଙ୍ଗ୍’ ବୋଲି ଦର୍ଶାଯାଇଛି।
ବଗ୍ଗା ନିଜେ ଟ୍ୱିଟ୍ କରି ମଧ୍ୟ ଏହି ପୋଷ୍ଟର୍ ଲଗାଯିବା କଥା କହିଛନ୍ତି। ଏନେଇ ସେ ତାଙ୍କ ଟ୍ୱିଟରରେ ଭିଡିଓ ମଧ୍ୟ ପୋଷ୍ଟ୍ କରିଛନ୍ତି।
Yes Rajiv Gandhi is Father of Mob Lynching pic.twitter.com/8OAw7vOn2X
— Tajinder Pal Singh Bagga (@TajinderBagga) August 27, 2018
ଏହାର ଜବାବ ଦେଇଛି ମୁମ୍ବାଇ କଂଗ୍ରେସ। ମୁମ୍ବାଇ କଂଗ୍ରେସ ପକ୍ଷରୁ ପୂର୍ବତନ ଅଟଳ ବିହାରୀ ବାଜପେୟୀଙ୍କର ଏକ ପୋଷ୍ଟର୍ ଲଗାଯାଇଛି। ଏଥିରେ ବାଜପେୟୀଙ୍କୁ ଶ୍ରଦ୍ଧାଞ୍ଜଳି ଜ୍ଞାପନ କରାଯାଇଛି।
କଂଗ୍ରେସ ମୁଖପାତ୍ର ପ୍ରଣବ ଝା ନିଜ ଟ୍ୱିଟର ଆକାଉଣ୍ଟରେ ଏହି ଦୁଇଟି ପୋଷ୍ଟର୍କୁ ପୋଷ୍ଟ୍ କରି ଲେଖିଛନ୍ତି ଯେ,‘ପ୍ରିୟ ବିଜେପି, ଦୟାକରି ଦେଖ କଂଗ୍ରେସ କାହିଁକି ତୁମଠାରୁ ଅଲଗା। ଦୟାକରି ଅପେକ୍ଷା କର। ଖୁବ୍ଶୀଘ୍ର ଲୋକେ ତୁମ ଅହଙ୍କାର ଓ ଘୃଣାର ଉଚିତ୍ ଜବାବ ଦେବେ।’
Dear @BJP4India please see what makes @INCIndia different from you. Kindly wait; very soon people are going to give you a befitting reply for your arrogance and hatred.
संस्कारों का फ़र्क़ ! pic.twitter.com/bkuCUZvbq6— pranav jha (@pranavINC) August 28, 2018
ଅନ୍ୟ ଜଣେ କଂଗ୍ରେସ ମୁଖ୍ୟପାତ୍ର ପ୍ରିୟଙ୍କା ଚତୁର୍ବେଦୀ ଟ୍ୱିଟ୍ କରି ଲେଖିଛନ୍ତି,“କଂଗ୍ରେସ ସେହି ଦିବଂଗତ ପ୍ରଧାନମନ୍ତ୍ରୀଙ୍କୁ ଶ୍ରଦ୍ଧାଞ୍ଜଳି ଜଣାଉଛି ଯିଏ ୨୦୦୨ ଦଙ୍ଗା ବେଳେ ବିଶେଷ କିଛି ପଦକ୍ଷେପ ନେଇପାରିଲେ ନାହିଁ। ଏହା କଂଗ୍ରେସର ସଂସ୍କାର। ଅନ୍ୟପକ୍ଷରେ ଦେଶ ପାଇଁ ଜୀବନ ଦେଇଥିବା ପ୍ରଧାନମନ୍ତ୍ରୀଙ୍କୁ ଘୃଣା କରି ବିଜେପି କାର୍ଯ୍ୟାଳୟ ବାହାରେ ପୋଷ୍ଟର୍ ଲଗାଯାଇଛି। ଏହା ବିଜେପିର ହୀନ ମାନସିକତା।”
ସୂଚନାଯୋଗ୍ୟ, ମବ୍ ଲିଞ୍ଚିଙ୍ଗ୍ ଉପରେ ସଂସଦରେ ବିତର୍କ ବେଳେ ଗୃହମନ୍ତ୍ରୀ ରାଜନାଥ ସିଂହ କହିଥିଲେ ଯେ ଦେଶରେ ସବୁଠୁ ବଡ଼ ମବ୍ ଲିଞ୍ଚିଙ୍ଗ୍ ୧୯୮୪ ମସିହାରେ ହୋଇଥିଲା। ତେବେ ଇଂଲଣ୍ଡରେ ଶିଖ୍ ଦଙ୍ଗା ଉପରେ ମନ୍ତବ୍ୟ ଦେଇ ରାହୁଲ ଗାନ୍ଧି କହିଥିଲେ ଯେ ଏଥିରେ କଂଗ୍ରେସର ହାତ ନଥିଲା।