ଲକ୍ଷ୍ମୌ: ଉତ୍ତରପ୍ରଦେଶର ରାଜଧାନୀ ଲକ୍ଷ୍ମୌରେ ଗତକାଲି ରାତି ସାଢେ ଗୋଟାଏରେ ଏକ କାର୍ ଭାରସାମ୍ୟ ହରାଇ ରାତ୍ରି ଆଶ୍ରୟସ୍ଥଳୀରେ ପଶିଯାଇଥିଲା। ଫଳରେ ୪ଜଣ ମୃତ୍ୟୁ ହୋଇଥିବା ବେଳେ ୮ ଜଣ ଆହତ ହୋଇଛନ୍ତି। ମୃତକମାନେ ହେଲେ ପୃଥ୍ୱୀରାଜ, ନନକୌ, ଅବଦୁଲ ଓ ଗୋଖରନ । ସେମାନେ ସମସ୍ତେ ବହରାଇଚର ନିବାସୀ । ସମସ୍ତ ଆହତଙ୍କୁ ହସପିଟାଲରେ ଭର୍ତ୍ତି କରାଯାଇଛି। ସେମାନଙ୍କ ମଧ୍ୟରୁ ୪ଜଣ ସ୍ୱାସ୍ଥ୍ୟାବସ୍ଥା ଗମ୍ଭୀର ରହିଛି।
ଦୁର୍ଘଟଣା ଘଟାଇଥିବା କାରରେ ଜଣେ ପୂର୍ବତନ ବିଧାୟକଙ୍କ ପୁଅ ଓ ଜଣେ ଉଦ୍ୟୋଗପତିଙ୍କ ପୁଅ ସମସ୍ତେ ୫ ଜଣ ଥିଲେ ବୋଲି କୁହାଯାଉଛି। ୨ ଜଣଙ୍କୁ ପୋଲିସ୍ ଗିରଫ କରିଥିବା ବେଳେ ଆଉ ତିନି ଜଣ ଫେରାର ଅଛନ୍ତି।
ଦୁର୍ଘଟଣା ସମୟରେ ରାତ୍ରି ଆଶ୍ରୟସ୍ଥଳୀରେ ୫୦ରୁ ଅଧିକ ଲୋକ ଥିଲେ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
