ନୂଆଦିଲ୍ଲୀ: ଦେଶରେ କରୋନା ଆକ୍ରାନ୍ତଙ୍କ ସଂଖ୍ୟା ବଢ଼ି ଚାଲିଛି। ଆକ୍ରାନ୍ତଙ୍କ ସଂଖ୍ୟା ଯେମିତି ବଢ଼ିଛି ଆରୋଗ୍ୟ ହାର ମଧ୍ୟ ସେହିପରି ବଢ଼ି ଚାଲିଛି। ଶୁକ୍ରବାର ଦେଶରେ ଆରୋଗ୍ୟ ହାର ବୃଦ୍ଧି ପାଇ ୫୮.୨୪ ପ୍ରତିଶତ ହୋଇଛି।
ବିଗତ ୨୪ ଘଣ୍ଟାରେ ୧୩,୯୪୦ ଆକ୍ରାନ୍ତ ଆରୋଗ୍ୟ ହୋଇଛନ୍ତି। ନୂଆ ଆରୋଗ୍ୟଙ୍କୁ ମିଶାଇଲେ ଦେଶରେ ଏଯାବତ ମୋଟ୍ ୨, ୮୫,୬୩୬ ଆରୋଗ୍ୟ ହୋଇଛନ୍ତି।
ସେହିପରି ଶୁକ୍ରବାର ଆସିଥିବା କରୋନା ରିପୋର୍ଟ ଅନୁଯାୟୀ ବିଗତ ୨୪ ଘଣ୍ଟାରେ ୧୭,୨୯୬ ଜଣ କରୋନାରେ ଆକ୍ରାନ୍ତ ହୋଇଛନ୍ତି। ଯାହାକି ଏଯାବତ ସର୍ବାଧିକ। ନୂଆ ଆକ୍ରାନ୍ତଙ୍କୁ ମିଶାଇଲେ ଦେଶରେ ମୋଟ୍ ଆକ୍ରାନ୍ତଙ୍କ ସଂଖ୍ୟା ୪,୯୦,୪୦୧ ହୋଇଛି। ଶୁକ୍ରବାର ଚିହ୍ନଟ ହୋଇଥିବା ନୂଆ ଆକ୍ରାନ୍ତଙ୍କ ମଧ୍ୟରୁ ୫୦ ପ୍ରତିଶତ ଦେଶର ୧୦ ସହରର ବୋଲି କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରାଳୟ କହିଛି।
ସେହିପରି ଦେଶରେ କରୋନା ମୃତକଙ୍କ ସଂଖ୍ୟା ୧୫, ୩୦୧ ହୋଇଛି। ଶୁକ୍ରବାର ୪୦୭ ଜଣ କରୋନାରେ ମୃତ୍ୟୁ ବରଣ କରିଥିବା ସୂଚନା ରହିଛି।