ନୂଆଦିଲ୍ଲୀ: ଲୋକସଭା ନିର୍ବାଚନ ପୂର୍ବରୁ ଅରୁଚିକର ବ୍ୟକ୍ତିଗତ ଆକ୍ଷେପ ଆରମ୍ଭ ହୋଇସାରିଛି। ଏଭଳି ମନ୍ତବ୍ୟ ଦେଇଛନ୍ତି ବିଜେପିର ଜଣେ ବିଧାୟକ ସୁରେନ୍ଦ୍ର ସିଂହ। ପୂର୍ବରୁ ସେ ବିଏସ୍ପି ସୁପ୍ରିମୋ ମାୟାବତୀଙ୍କ ପ୍ରତି ଆପତ୍ତିଜନକ ମନ୍ତବ୍ୟ ଦେବା ପରେ ନର୍ତ୍ତକୀ ସପ୍ନା ଚୌଧୁରୀଙ୍କୁ ୟୁପିଏ ଅଧ୍ୟକ୍ଷ ସୋନିଆ ଗାନ୍ଧିଙ୍କ ସହିତ ତୁଳନା କରିଛନ୍ତି।
ସପ୍ନାଙ୍କ ଯୋଗଦାନକୁ ନେଇ ସୁରେନ୍ଦ୍ର କହିଛନ୍ତି କଂଗ୍ରେସ ଅଧ୍ୟକ୍ଷ ରାହୁଲ ନିର୍ବାଚନ ପୂର୍ବରୁ ତାଙ୍କ ମା ସୋନିଆଙ୍କ ପରି ଜଣେ ନର୍ତ୍ତକୀଙ୍କୁ ଦଳରେ ସାମିଲ କରିଛନ୍ତି।
ସେ କହିଛନ୍ତି, ରାହୁଲଙ୍କ ମା ଇଟାଲୀରେ ଏହି ବୃତ୍ତିରେ ଥିଲେ। ଯେମିତି ଆପଣଙ୍କ ବାପା ସୋନିଆଙ୍କୁ ନିଜର କରିନେଇଥିଲେ, ଆପଣ ସପ୍ନାଙ୍କୁ ନିଜର କରିଦେଇଛନ୍ତି।
https://twitter.com/ANINewsUP/status/1109729692414865409
ସେ ଆହୁରି ବ୍ୟକ୍ତିଗତ ସ୍ତରକୁ ଯାଇ କହିଛନ୍ତି, ସବୁଠାରୁ ବଡ଼ କଥା ହେଉଛି, ଏଭଳି ହେଲେ ଶାଶୂ ଏବଂ ବୋହୂଙ୍କ ବୃତ୍ତି ଏବଂ ସଂସ୍କୃତି ସମାନ ହୋଇଯିବ। ମୁଁ ଜାଣିକରି ଖୁସି ହେଲି ଯେ, ରାହୁଲ ଆଉ ନେତାଙ୍କ ଉପରେ ଭରସା ନକରି ନର୍ତ୍ତକୀଙ୍କ ଉପରେ ଭରସା କଲେଣି।