ବିଶାଖାପଟନମ: କରୋନା ମହାମାରୀ ଯୋଗୁ ଦେଶରେ ସବୁ ରାଜ୍ୟରେ ସ୍କୁଲ ଠାରୁ ଆରମ୍ଭ କରି ଶିକ୍ଷାନୁଷ୍ଠାନ ବନ୍ଦ ରହିଛି। ଏବେ ଦେଶରେ କରୋନା ପ୍ରକୋପ ଜାରି ରହିଥିବାରୁ ଏଗୁଡ଼ିକ କେବେ ଖୋଲିବ, ତା’ର ଉତ୍ତର କାହା ପାଖରେ ନାହିଁ।
ଏସବୁ ଭିତରେ ଆନ୍ଧ୍ର ପ୍ରଦେଶ ମୁଖ୍ୟମନ୍ତ୍ରୀ ଜଗନ ମୋହନ ରେଡ୍ଡୀ ବଡ଼ ଘୋଷଣା କରିଛନ୍ତି। ସେ କହିଛନ୍ତି, ଆସନ୍ତା ଅଗଷ୍ଟ ୩ ତାରିଖରୁ ରାଜ୍ୟରେ ସବୁ ସ୍କୁଲ ଖୋଲିବ।
ଏଥିପାଇଁ ସମସ୍ତେ ପ୍ରସ୍ତୁତ ରହିବା ଦରକାର। ୪ର୍ଥ ପର୍ଯ୍ୟାୟ ଲକଡାଉନ ବେଳେ ରାଜ୍ୟରେ ସବୁ ଦୋକାନ ବଜାର ଖୋଲା ରହିବ ଓ ପବ୍ଲିକ ପରିବହନ ସେବା କାର୍ଯ୍ୟକାରୀ ହେବ। ହେଲେ ସବୁଠାରେ ସାମାଜିକ ଦୂରତାକୁ ପାଳନ କରାଯିବ।
ସେହିପରି ରାଜ୍ୟରେ ପରବର୍ତ୍ତୀ ନିର୍ଦ୍ଦେଶ ଯାଏ ମଲ, ସିନେମା ହଲ, ଧାର୍ମିକ କାର୍ଯ୍ୟକ୍ରମ ଓ ସେମିନାର ଆଦି ବନ୍ଦ ରହିବ ବୋଲି ସେ କହିଛନ୍ତି।