ନୂଆଦିଲ୍ଲୀ: ଦିଲ୍ଲୀର ପୂର୍ବତନ ମୁଖ୍ୟମନ୍ତ୍ରୀ ତଥା କଂଗ୍ରେସର ରାଜ୍ୟ ମୁଖ୍ୟ ଶୀଲା ଦିକ୍ଷୀତ ଆସନ୍ତା ଲୋକସଭା ନିର୍ବାଚନ ଲଢ଼ିପାରନ୍ତି। ତାଙ୍କୁ କଂଗ୍ରେସ ପୂର୍ବ ଦିଲ୍ଲୀରୁ ପ୍ରାର୍ଥୀ କରିବାକୁ ନିଷ୍ପତ୍ତି ନେଇଥିବା ଜଣାପଡ଼ିଛି। ଏହି ଆସନରୁ କଂଗ୍ରେସ ଶୀଲା ଦିକ୍ଷୀତଙ୍କ ପୁଅ ସନ୍ଦୀପ ଦିକ୍ଷୀତଙ୍କୁ ପ୍ରାର୍ଥୀ କରିବାକୁ ଚାହୁଁଥିଲା। କିନ୍ତୁ ସେ ନିର୍ବାଚନ ଲଢ଼ିବେ ନାହିଁ ବୋଲି ଘୋଷଣା କରିବାରୁ ଏବେ ଦଳ ପ୍ରାର୍ଥୀ ପରିବର୍ତ୍ତନ କରିଛି।
ତେବେ କଂଗ୍ରେସ ଦିଲ୍ଲୀରେ ଆପ୍ ସହ ମେଣ୍ଟ କରିବାକୁ ଚାହୁଁଥିବାରୁ ପ୍ରାର୍ଥୀ ତାଲିକା ଘୋଷଣା ହେବାରେ ବିଳମ୍ବ ହେଉଥିବା କୁହାଯାଉଛି। ଇତି ମଧ୍ୟରେ ଦିଲ୍ଲୀ ପାଇଁ ୭ ଜଣ ପ୍ରାର୍ଥୀଙ୍କ ନାଁ କଂଗ୍ରେସ ସ୍ଥିର କରି ସାରିଛି। କିନ୍ତୁ ଆପ୍ ସହ ମେଣ୍ଟ ହେଲେ ଦଳକୁ ମାତ୍ର ୩ଟି ଆସନରେ ପ୍ରାର୍ଥୀ ଦେବାକୁ ପଡ଼ିବ। ତେଣୁ କଂଗ୍ରେସ ଏହାକୁ ନେଇ ଦ୍ୱନ୍ଦ୍ୱରେ ରହିଛି।