ନୂଆଦିଲ୍ଲୀ:୧୯୮୪ ଶିଖ୍ ଦଙ୍ଗା ମାମଲାରେ କଂଗ୍ରେସ ନେତା ଜଗଦୀଶ ଟାଇଟଲରଙ୍କ ଭାଗ୍ୟ ଆଜି ନିର୍ଦ୍ଧାରଣ ହୋଇପାରେ । କଡକଡଡ଼ୁମା କୋର୍ଟରେ ଏହାର ଶୁଣାଣି ହେବ। ୩୦ ବର୍ଷ ପୁରୁଣା ଏହି ମାମଲାରେ ଜଗଦୀଶ ଟାଇଟଲଙ୍କ ବିରୋଧରେ ସିବିଆଇ କେଉଁ ମାମଲା ଦାୟର କରିଛି ଓ କ’ଣ ସବୁ କାର୍ଯ୍ୟାନୁଷ୍ଠାନ ଗ୍ରହଣ କରିଛି ତାହାର ଉତ୍ତର ରଖିବ । କୋର୍ଟ ସିବିଆଇର କ୍ଲୋଜର ରିପୋର୍ଟ ପରେ ଏଜେନ୍ସି ମାମଲାରେ ଜବାବ୍ ମାଗିଥିଲା । ଜଗଦୀଶ ଟାଇଟଲଙ୍କ ବିରୋଧରେ ପ୍ରମାଣ ପଦାକୁ ଆସିବା ପରେ କୋର୍ଟ ଏହି ପ୍ରଶ୍ନ ଉଠାଇଛନ୍ତି ।
ସୂଚନାଯୋଗ୍ୟ, ୧୯୮୪ ଶିଖ୍ ବିରୋଧୀ ଦଙ୍ଗା ଘଟଣାରେ ଜଗଦୀଶ ଟାଇଟଲର ପ୍ରମାଣ ନଷ୍ଟ କରିବାକୁ ଚେଷ୍ଟା କରିଥିବା ଅଭିଯୋଗ ରହିଛି । ସେ ପ୍ରମାଣ ନଷ୍ଟ କରିବାକୁ କାନାଡାରେ ଥିବା ତାଙ୍କ ଭଉଣୀଙ୍କ ଆକାଉଣ୍ଟରେ ୫କୋଟି ଟଙ୍କା ଜମା କରିଥିଲେ । ଏହି ଆକାଉଣ୍ଟକୁ ପ୍ରଥମେ କାନାଡା ସରକାର ବନ୍ଦ କରିଦେଇଥିଲା । ପରେ ଆକାଉଣ୍ଟରୁ ପ୍ରତିବନ୍ଧକ ହଟାଇ ଦେଇଥିଲେ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
