ନୂଆଦିଲ୍ଲୀ: ବିସିସିଆଇ ସଭାପତି ସୌରଭ ଗାଙ୍ଗୁଲିଙ୍କ ପରିବାର ସଦସ୍ୟ କରୋନାରେ ଆକ୍ରାନ୍ତ ହୋଇଛନ୍ତି। ଗାଙ୍ଗୁଲିଙ୍କ ବଡ଼ ଭାଇ ତଥା ପୂର୍ବତନ କ୍ରିକେଟର ଏବଂ ବେଙ୍ଗଲ କ୍ରିକେଟ୍ ଆସୋସିଏସନର ସଚିବ ସ୍ନେହାଶିଷ ଗାଙ୍ଗୁଲି କରୋନାରେ ସଂକ୍ରମିତ ହୋଇଛନ୍ତି। ପଶ୍ଚିମବଙ୍ଗ ସରକାରଙ୍କ ସ୍ୱାସ୍ଥ୍ୟ ବିଭାଗ ଏହି ସୂଚନା ଦେଇଛନ୍ତି।
ଏହାବ୍ୟତୀତ ସ୍ନେହାଶିଷଙ୍କ ସ୍ତ୍ରୀ ମଧ୍ୟ କରୋନାରେ ସଂକ୍ରମିତ ହୋଇଥିବା ଜଣାପଡ଼ିଛି। ମିଡିଆ ରିପୋର୍ଟ ଅନୁଯାୟୀ ସ୍ନେହାଶିଷଙ୍କ ଶ୍ୱଶୁର ଏବଂ ଶାଶୁ ଗତ ସପ୍ତାହରେ କରୋନାରେ ସଂକ୍ରମିତ ହୋଇଥିଲେ।
ତେବେ ସ୍ନେହାଶିଷଙ୍କ ପରିବାର ସଦସ୍ୟ ସୌରଭଙ୍ଗ ଗାଙ୍ଗୁଲିଙ୍କ ପରିବାରଠୁ ଅଲଗା ରୁହନ୍ତି। କରୋନାରେ ଆକ୍ରାନ୍ତ ହେବା ପରେ ସ୍ନେହାଶିଷ ଏବଂ ତାଙ୍କ ସ୍ତ୍ରୀଙ୍କୁ ଏକ ଘରୋଇ ନର୍ସିଂ ହୋମ ତଥା କୋଭିଡ୍ ହସ୍ପିଟାଲରେ ଭର୍ତ୍ତି କରାଯାଇଛି।