ଚେନ୍ନାଇ: ଏକାନ୍ତବାସ ନିୟମକୁ ଉଲ୍ଲଂଘନ କରି ଜଣେ ଯୁବକ ପଡ଼ୋଶୀ ମହିଳାଙ୍କୁ କାମୁଡ଼ି ଦେବା ପରେ ଚିକିତ୍ସାଧୀନ ଅବସ୍ଥାରେ ତାଙ୍କର ମୃତ୍ୟୁ ଘଟିଛି। ମୃତ ମହିଳାଙ୍କ ବୟସ ୮୦। ସେ ଯୁବକଙ୍କର ପଡ଼ୋଶୀ। ଯୁବକ ଜଣଙ୍କ ଶ୍ରୀଲଙ୍କାରୁ ଫେରିବା ପରେ ଏକାନ୍ତବାସରେ ଥିଲେ।
ଯୁବକ ଜଣଙ୍କ ମହିଳାଙ୍କ ବେକରେ କାମୁଡ଼ି ଦେଇଥିଲେ। ଏହାପରେ ଶୁକ୍ରବାର ବିଳମ୍ୱିତ ରାତିରେ ମହିଳାଙ୍କୁ ହସ୍ପିଟାଲ ସ୍ଥାନାନ୍ତର କରାଯାଇଥିଲା। ତେବେ ଶନିବାର ଦିନ ତାଙ୍କର ମୃତ୍ୟୁ ଘଟିଛି ବୋଲି ପୁଲିସ କହିଛି।
ଏକାନ୍ତବାସ ଉଲ୍ଲଂଘନ କରିଥିବା ଯୁବକ ଜଣଙ୍କ ପେଶାରେ ଛୋଟିଆ ଲୁଗା ବ୍ୟବସାୟୀ। ତାଙ୍କ ଘର ଜକ୍କମନୟାକନପଟ୍ଟି। ସ୍ଥାନୀୟ ଲୋକମାନେ ତାଙ୍କୁ ପୁଲିସରେ ହସ୍ତାନ୍ତର କରିବା ପରେ ଗିରଫ କରାଯାଇଛି।
ସୂଚନାଯୋଗ୍ୟ, ଯୁବକ ଜଣଙ୍କ ଶୁକ୍ରବାର ଦିନ ସଂଧ୍ୟାରେ ଶ୍ରୀଲଙ୍କାରୁ ଘରକୁ ଫେରିଥିଲେ। ଏହାପରେ ଏକାନ୍ତବାସରେ ଥିଲେ। ହେଲେ ହଠାତ୍ ସେ ଉଲଗ୍ନ ହୋଇ ବୃଦ୍ଧ ମହିଳାଙ୍କ ନିକଟକୁ ଦୌଡିଥିଲେ। ପରିବାର ଲୋକେ ମଧ୍ୟ ଏହା ଦେଖି ଆଶ୍ଚର୍ଯ୍ୟ ପ୍ରକାଶ କରିଥିଲେ।