ଚାଲିଥିଲା ନକଲି ଷ୍ଟେଟ ବ୍ୟାଙ୍କ, ତିନି ଗିରଫ

ଚେନ୍ନାଇ: ନକଲି ପଇସା ବାବଦରେ ସମସ୍ତେ ଅବଗତ ଥିବେ। ଏବେ କିନ୍ତୁ ନକଲି ବ୍ୟାଙ୍କ ଚାଲୁଥିବାର ପ୍ରମାଣ ମିଳିଛି। ତା’ପୁଣି ଦେଶର ସବୁଠୁ ବଡ଼ ବ୍ୟାଙ୍କ ଭାରତୀୟ ଷ୍ଟେଟ ବ୍ୟାଙ୍କ (ଏସବିଆଇ) ନାଁରେ। ଏହି ନକଲି ଏସବିଆଇ ବ୍ୟାଙ୍କ ଖୋଲି ବ୍ୟବସାୟ କରୁଥିବା ମାମଲାରେ ତିନି ଜଣ ଗିରଫ ହୋଇଛନ୍ତି। ତାମିଲନାଡୁର କୁଡାଲୋର ଜିଲ୍ଲାର ପନରୁତିରେ ଏହି ନକଲି ଏସବିଆଇ ବ୍ରାଞ୍ଚ ରହିଥିଲା।

ପୁଲିସ କହିଛି, ଏହି ବ୍ୟାଙ୍କ ଯିଏ ଖୋଲିଛି ତା’ର ନାମ କମଳା ବାବୁ (୧୯)। ଏସବିଆଇର ଜଣେ ପୂର୍ବତନ କର୍ମଚାରୀଙ୍କ ପୁଅ ସେ। କିଛି କମ୍ପ୍ୟୁଟର, ଲକର, ଚାଲାଣ ଏବଂ ଜାଲ ଡକ୍ୟୁମେଣ୍ଟ ଆଣି କମଳା ଏସବିଆଇ ନାମରେ ନକଲି ବ୍ରାଞ୍ଚ ଖୋଲିଥିଲା। ଏମିତିକି ଏକ ଓ୍ୱେବସାଇଟ୍ ମଧ୍ୟ ତିଆରି ହୋଇଥିଲା ବ୍ୟବସାୟ ପାଇଁ। ଯାହାର ନାମ ପନରୁତି ବଜାର ବ୍ରାଞ୍ଚ। ବାବୁ ସହିତ ଗିରଫ ଦୁଇ ଜଣ ହେଲେ ଏ କୁମାର (୪୨), ଏମ ମାଣିକାମ (୫୨)। ଲକଡାଉନ ବେଳେ ଏପ୍ରିଲ ମାସରେ ଏହି ତିନି ମିଶି ଏହି ନକଲି ବ୍ୟାଙ୍କ ଖୋଲିଥିଲେ।

ଜଣେ ଏସବିଆଇ ଗ୍ରାହକ ପନରୁତିରେ ବ୍ୟାଙ୍କ ଖୋଜୁଥିବା ବେଳେ ଏହି ବ୍ୟାଙ୍କକୁ ଦେଖିବାକୁ ପାଇଥିଲେ। ଏହାପରେ ସେ ତାଙ୍କ ହୋମ ଏସବିଆଇ ବ୍ରାଞ୍ଚର ମ୍ୟାନେଜରଙ୍କୁ ଏହି ଏସବିଆଇ ବ୍ୟାଙ୍କ ବାବଦରେ ଜଣାଇବା ପରେ ନକଲି ଏସବିଆଇ ବ୍ୟାଙ୍କର ପର୍ଦ୍ଦାଫାଶ ହୋଇଥିଲା।

ଏହାପରେ ସେହି ଏସବିଆଇ ଗ୍ରାହକ ବ୍ୟାଙ୍କ ଭିତରକୁ ଯାଇ ଏକ ରସିଦ ଆଣିଥିଲେ। ଯାହାକି ନକଲି ବୋଲି ପ୍ରମାଣିତ ହୋଇଥିଲା। ଏ ନେଇ ପୁଲିସକୁ ଅବଗତ ହେବା ପରେ ପୁଲିସ ରେଡ୍ କରି ତିନି ଜଣଙ୍କୁ ଗିରଫ କରିବା ସହିତ ନକଲି ଏସବିଆଇ ବ୍ରାଞ୍ଚକୁ ସିଲ୍ କରିଛି।

ଆହୁରି ପଢ଼ନ୍ତୁ

ହରିଆଣା ମୁଖ୍ୟମନ୍ତ୍ରୀଙ୍କୁ ଭେଟିଲେ ସୁଶାନ୍ତଙ୍କ ବାପା ଓ ଭଉଣୀ, ଜାଣନ୍ତୁ କାରଣ

କିଛି ଦିନ ପରେ ବାପା ହୋଇଥାଆନ୍ତେ, କିନ୍ତୁ ବିମାନ ଦୁର୍ଘଟଣା ନେଇଗଲା ଜୀବନ

ଦୁଇ ଥର ଭାଗ୍ୟ ସାଥ ଦେଲା! ନିଶ୍ଚିତ ଦୁର୍ଘଟଣାରୁ ବର୍ତ୍ତିଗଲା ବିମାନ

ସାମ୍ନାକୁ ଆସିଲା ଦିଶାଙ୍କ ଶେଷ ଭିଡିଓ, ଶୁଟିଂର କିଛି ଘଣ୍ଟା ପରେ ମିଳିଥିଲା ମୃତଦେହ

ମରିଗଲା ମାନବିକତା! ହସ୍ପିଟାଲ ଆଗରେ ବୃଦ୍ଧାଙ୍କୁ ନିର୍ଘାତ ମାଡ଼, ଭିଡିଓ ଭାଇରାଲ

‘ଠକ ଠକ’ ଗ୍ୟାଙ୍ଗର ଦୁଇ ସଦସ୍ୟ ଗିରଫ, କୋଟିଏ ଟଙ୍କାରୁ ଅଧିକ ଦାମର ଅଳଙ୍କାର ଠାବ

କେମିକାଲ ଫ୍ୟାକ୍ଟ୍ରୀରେ ଭୟଙ୍କର ଅଗ୍ନିକାଣ୍ଡ

ପାଣ୍ଡ୍ୟାଙ୍କ ପୁଅଙ୍କୁ ବଡ଼ ହେଲେ ଏମିତି ହେବାକୁ ପରାମର୍ଶ ଦେଲେ କେଏଲ ରାହୁଲ

ଛେଳିଙ୍କ ଡିସ୍କୋ ଡ୍ୟାନ୍ସ, ଭିଡିଓ ଭାଇରାଲ

ସୁଶାନ୍ତଙ୍କ ଶେଷ ସନ୍ତକ ଜାରି କରି ଇମୋସନାଲ ହେଲେ ରିୟା ଚକ୍ରବର୍ତ୍ତୀ

ରିୟାଙ୍କ ଆବେଦନକୁ ବିରୋଧ, ସୁପ୍ରିମକୋର୍ଟରେ ପହଞ୍ଚିଲେ ସୁଶାନ୍ତଙ୍କ ବାପା

ବିମାନ ଦୁର୍ଘଟଣାର ଉଦ୍ଧାର କାର୍ଯ୍ୟରେ ନିୟୋଜିତ ଲୋକଙ୍କର ହେବ କରୋନା ଟେଷ୍ଟ