ରାୟପୁର: କରୋନାର ମୁକାବିଲା ପାଇଁ ସାରା ଦେଶରେ ୨୧ ଦିନ ପାଇଁ ଲକ୍ଡାଉନ୍ ଘୋଷଣା କରାଯାଇଛି। ଏହି କାରଣରୁ ସମଗ୍ର ଦେଶରେ ଜରୁରୀ ସେବାର ଦୋକାନକୁ ଛାଡ଼ି ଆଉ ସବୁ ପ୍ରତିଷ୍ଠାନ ବନ୍ଦ ରହିଛି। ଏହି କ୍ରମରେ ମଦ ଦୋକାନ ମଧ୍ୟ ବନ୍ଦ ରହିଛି। ମଦ ଦୋକାନ ବନ୍ଦ ରହିଥିବାରୁ ପ୍ରତିଦିନ ମଦ୍ୟପାନ କରୁଥିବା ଲୋକଙ୍କ ମଧ୍ୟରେ ଭାଳେଣି ସୃଷ୍ଟି ହୋଇଛି।
ମଦ ନ ମିଳିବାରୁ ଛତିଶଗଡ଼ର ରାୟପୁରରେ କିଛି ଲୋକ ବିଷାକ୍ତ ସ୍ପିରିଟ୍ ପିଇ ଦେଇଛନ୍ତି। ଏହି ସ୍ପିରିଟ୍ ପିଇ ୨ ଜଣଙ୍କ ମୃତ୍ୟୁ ଘଟିଥିବା ବେଳେ ଜଣେ ଗୁରୁତର ଅବସ୍ଥାରେ ହସ୍ପିଟାଲରେ ଚିକିତ୍ସିତ ହେଉଛନ୍ତି। ରାଜ୍ୟରେ ଏପ୍ରିଲ ୭ ଯାଏ ମଦ ଦୋକାନ ବନ୍ଦ ରହିଛି।
ଏହି କାରଣରୁ ଗତକାଲି ରାତିରେ ଅଜୟ, ଅସଗର ଓ ଦୀନେଣ ନିଶା ପାଇଁ ସର୍ଜିକାଲ ସ୍ପିରିଟ ପିଇ ଦେଇଥିଲେ। ଫଳରେ ସେମାନଙ୍କ ସ୍ୱାସ୍ଥ୍ୟାବସ୍ଥା ଗୁରୁତର ହୋଇଥିଲା। ସମସ୍ତଙ୍କୁ ତୁରନ୍ତ ହସ୍ପିଟାଲରେ ଭର୍ତ୍ତି କରାଯାଇଥିଲା। ହେଲେ ସେଠାରେ ଦୀନେଶ ଓ ଅସଗରଙ୍କ ମୃତ୍ୟୁ ଘଟିଥିଲା। ଏବେ ବି ଅଜୟଙ୍କ ଅବସ୍ଥା ସଙ୍କଟାପନ୍ନ ରହିଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
