ନୂଆଦିଲ୍ଲୀ:ଉତ୍ତରାଖଣ୍ଡ ଅର୍ଥମନ୍ତ୍ରୀ ପ୍ରକାଶ ପନ୍ତ ଆଜି ଆମେରିକାରେ ମୃତ୍ୟୁବରଣ କରିଛନ୍ତି। ସେ ସେଠାରେ ଫୁସ୍ଫୁସ୍ ଜନିତ ରୋଗ ପାଇଁ ଚିକିତ୍ସାଧୀନ ଥିଲେ। ତାଙ୍କ ମୃତ୍ୟୁ ପରେ ଉତ୍ତରାଖଣ୍ଡରେ ୩ ଦିନ ପାଇଁ ଶୋକ ପାଳନ କରାଯିବ। ଗୁରୁବାରକୁ ଛୁଟି ଦିବସ ଭାବରେ ମଧ୍ୟ ଘୋଷଣା କରାଯାଇଛି।
ସେ ଗତ ମେ’ ମାସ ଶେଷରେ ଚିକିତ୍ସା ପାଇଁ ଆମେରିକା ଯାଇଥିଲେ। ସେ ଏହା ପୂର୍ବରୁ ଦିଲ୍ଲୀସ୍ଥିତ ରୋହିଣୀ ହସ୍ପିଟାଲରେ ଚିକିତ୍ସାଧୀନ ଥିଲେ। ତେଣୁ ଦଳ ପାଇଁ ଲୋକସଭା ନିର୍ବାଚନରେ ପ୍ରଚାର କରିନଥିଲେ।
ଏପରିକି ଚଳିତ ବର୍ଷ ଫେବୃଆରୀ ମାସରେ ବଜେଟ୍ ଅଭିଭାଷଣ ପଢ଼ିବା ସମୟରେ ଦୁଇ ଦୁଇଥର ପଡ଼ିଯାଇଥିଲେ। ସେ ମାଇକ୍ ଉପରେ ପଡ଼ିଯିବା ପରେ ତାଙ୍କ ସାଥୀ ସଦସ୍ୟମାନେ ତାଙ୍କ ଉଠାଇଥିଲେ। ୨୦୧୭ ମସିହାରେ ସେ ଉତ୍ତରାଖଣ୍ଡ ମୁଖ୍ୟମନ୍ତ୍ରୀ ଦୌଡ଼ରେ ଥିଲେ।