ନୈନୀତାଲ: ଉତ୍ତରାଖଣ୍ଡ ହାଇକୋର୍ଟ ଦେଇଥିବା ଏକ ଅଭିନବ ରାୟ ଅନୁଯାୟୀ ରାମଦେବଙ୍କ କମ୍ପାନୀ ଦିବ୍ୟ ଫାର୍ମାସି ସ୍ଥାନୀୟ ଚାଷୀ ଏବଂ ଲୋକଙ୍କୁ ମଧ୍ୟ ଲାଭାଂଶ ପ୍ରଦାନ କରିବ।
ଜୈବ ବିବିଧତା ଆଇନ ୨୦୦୨ ଅନୁଯାୟୀ ଉତ୍ତରାଖଣ୍ଡ ଜୈବ ବିବିଧତା ବୋର୍ଡ (ୟୁବିବି) ବିରୋଧରେ ଦିବ୍ୟ ଫାର୍ମାସି ଦାୟର କରିଥିବା ପିଟିସନ୍ ବିରୋଧରେ ହାଇକୋର୍ଟ ଏହି ନିର୍ଦ୍ଦେଶ ଦେଇଛନ୍ତି। ଏହା ସହିତ ‘fair and equitable benefit-sharing’ ବ୍ୟବସ୍ଥାକୁ ମଧ୍ୟ କାଏମ ରଖିଛନ୍ତି।
ଜଷ୍ଟିସ୍ ସୁଧାଂଶୁ ଧୁଲିଆ ଦେଇଥିବା ଏହି ରାୟରେ କହିଛନ୍ତି ଆୟୁର୍ବେଦିକ ଏବଂ ତତ୍ସମ୍ପର୍କିତ ଉତ୍ପାଦରେ ଜୈବସମ୍ପଦ ବିଶେଷ ଉପାଦାନ ଭାବରେ ବ୍ୟବହୃତ ହୁଏ। ତେଣୁ ଦିବ୍ୟ ଫାର୍ମାସି ୪୨୧ କୋଟି ଲାଭରୁ ୨ କୋଟି ସ୍ଥାନୀୟ ଚାଷୀମାନଙ୍କ ପାଇଁ ଖର୍ଚ୍ଚ କରିବା ଆବଶ୍ୟକ।
ଏହା ପୂର୍ବରୁ ୟୁବିବି ପକ୍ଷରୁ ଦିବ୍ୟ ଫାର୍ମାସିକୁ ନିର୍ଦ୍ଦେଶ ଦିଆଯାଇଥିଲା ଯେ, ଏହା କୃଷକ ଏବଂ ସ୍ଥାନୀୟ ଲୋକଙ୍କୁ କିଛି ଲାଭାଂଶ ଦେବ, ଯାହାକି ଜୈବ ବିବିଧତା ଆଇନରେ ଉଲ୍ଲେଖ ରହିଛି। କିନ୍ତୁ ଏହାକୁ ଫାର୍ମାସି ମାନିନଥିଲା ଏବଂ କହିଥିଲା ୟୁବିବିର ଏହି କ୍ଷମତା ନାହିଁ।