ଶହୀଦଙ୍କ ପତ୍ନୀ ହେଲେ ଡେପୁଟି କଲେକ୍ଟର

ହାଇଦ୍ରାବାଦ: ଗଲଓ୍ୱାନ ଉପତ୍ୟକାରେ ଚୀନ ସେନା ସହିତ ସଂଘର୍ଷ ବେଳେ ଶହୀଦ ହୋଇଥିବା କର୍ଣ୍ଣେଲ ସନ୍ତୋଷ ବାବୁଙ୍କ ସ୍ତ୍ରୀ ହୋଇଛନ୍ତି ଡେପୁଟି କଲେକ୍ଟର। ତେଲେଙ୍ଗାନା ସରକାର ଶହୀଦ ସନ୍ତୋଷଙ୍କୁ ସମ୍ମାନ କରିବାକୁ ଯାଇ ତାଙ୍କ ସ୍ତ୍ରୀଙ୍କୁ ଏଭଳି ବଡ଼ ପଦବୀରେ ଅବସ୍ଥାପିତ କରିଛନ୍ତି। ମୁଖ୍ୟମନ୍ତ୍ରୀ କେସିଆର ସନ୍ତୋଷଙ୍କ ସ୍ତ୍ରୀଙ୍କୁ ବୁଧବାର ନିଯୁକ୍ତି ପତ୍ର ପ୍ରଦାନ କରିଛନ୍ତି। ହାଇଦ୍ରାବାଦ କିମ୍ୱା ଏହାର ଆଖ ପାଖ ଅଞ୍ଚଳରେ ନିଯୁକ୍ତି ଦେବାକୁ ଉପରିସ୍ଥ ଅଧିକାରୀଙ୍କୁ ମୁଖ୍ୟମନ୍ତ୍ରୀ ନିର୍ଦ୍ଦେଶ ଦେଇଛନ୍ତି।

ଶହୀଦ କର୍ଣ୍ଣେଲ ସନ୍ତୋଷଙ୍କ ସ୍ତ୍ରୀ ସନ୍ତୋଷୀ ଦିଲ୍ଲୀରେ ଦୁଇ ପୁଅ ଝିଅଙ୍କ ସହ ରହୁଛନ୍ତି। ପୁଅର ବୟସ ୩ ବର୍ଷ ହୋଇଥିବା ବେଳେ ଝିଅର ବୟସ ୮ ବର୍ଷ। ହେଲେ ସନ୍ତୋଷଙ୍କ ମା ହାଇଦ୍ରାବାଦରେ ରୁହନ୍ତି। ତେଣୁ ହାଇଦ୍ରାବାଦ ଆଖା ପାଖରେ ସନ୍ତୋଷଙ୍କ ପତ୍ନୀଙ୍କୁ ନିଯୁକ୍ତି ଦେବାକୁ କହିଛନ୍ତି କେସିଆର। ଏହା ପୂର୍ବରୁ କେସିଆର ସରକାର ସନ୍ତୋଷଙ୍କ ପରିବାରକୁ ୫ କୋଟି ଟଙ୍କାର ଆର୍ଥିକ ସହଯୋଗ କରିସାରିଛନ୍ତି।

ସୂଚନାଯୋଗ୍ୟ, ଗତ ମାସରେ ଗଲଓ୍ୱାନ ଉପତ୍ୟକାରେ ହୋଇଥିବା ସଂଘର୍ଷରେ ଭାରତର ପାଖାପାଖି ୨୦ ଜଣ ଯବାନ ଶହୀଦ ହୋଇଥିଲେ। ସେହିପରି ଚୀନର ୪୩ ଯବାନ ନିହତ ହୋଇଥିବା ସୂଚନା ରହିଛି।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।