ୱାଶିଂଟନ: ସାରା ବିଶ୍ୱରେ କରୋନା ସଂକ୍ରମଣ ହୁହୁ ହୋଇ ବଢ଼ବାରେ ଲାଗିଛି। ବର୍ତ୍ତମାନ ସୁଦ୍ଧା ୨୧୩ଟି ଦେଶ ଓ ୨ଟି ଜାହାଜକୁ କବଳିତ କରିଥିବା କରୋନାରେ ଏଯାଏ ୭୧,୧୫,୨୬୪ ଜଣ ସଂକ୍ରମିତ ହୋଇଥିବା ବେଳେ ମୃତ୍ୟୁସଂଖ୍ୟା ୪ ଲକ୍ଷ ପାର କରିଛି।
ଆମେରିକା ସ୍ଥିତି ସବୁଠାରୁ ଭୟଙ୍କର ହୋଇଥିବା ବେଳେ ଭାରତ କ୍ଷତିଗ୍ରସ୍ତ ତାଲିକାର ୬ ନମ୍ବର ସ୍ଥାନରେ ରହିଛି। ୱାର୍ଲ୍ଡ ମିଟରର ତଥ୍ୟ ଅନୁଯାୟୀ, ବର୍ତ୍ତମାନ ସୁଦ୍ଧା କରୋନା ୪.୦୬,୫୯୯ ଜଣଙ୍କ ମୁଣ୍ଡ ନେଇଛି। ସେହିପରି ଆକ୍ରାନ୍ତ ୭୧,୧୫,୨୬୪ ଜଣଙ୍କ ମଧ୍ୟରୁ ୩୪,୭୩,୮୧୯ ଜଣ ସୁସ୍ଥ ହୋଇ ଘରକୁ ଫେରିଛନ୍ତି।
କରୋନା ଯୋଗୁ ଆମେରିକା ସବୁଠାରୁ ଅଧିକ କ୍ଷତିଗ୍ରସ୍ତ ହୋଇଛି। ଏଠାରେ ୨୦,୦୭,୫୩୧ ଜଣ ସଂକ୍ରମିତ ହୋଇଥିବା ବେଳେ ୧,୧୨,୪୬୧ ଜଣ ପ୍ରାଣ ହରାଇଛନ୍ତି। ସେହିପରି ୭,୬୧,୭୨୦ ଜଣ ସୁସ୍ଥ ହୋଇଛନ୍ତି।
ଦ୍ୱିତୀରେ ବ୍ରାଜିଲ, ତୃତୀୟରେ ରୁଷ, ୪ର୍ଥରେ ସ୍ପେନ,୫ମରେ ବ୍ରିଟେନ ଓ ଷଷ୍ଠରେ ଭାରତ ରହିଛି। ଭାରତରେ ଏଯାଏ ୨ ଲକ୍ଷ ୫୦ ହଜାରରୁ ଅଧିକ ଲୋକ କରୋନାରେ ସଂକ୍ରମିତ ହୋଇଛନ୍ତି।