ଜୟପୁର, ରାଜସ୍ଥାନ: ଭାରତୀୟ ବାୟୁସେନାର ମିଗ (ଏମଆଇଜି) ୨୭ ୟୁପିଜି ଜେଟ୍ ରାଜସ୍ଥାନର ଯୋଧପୁର ନିକଟରେ ଦୁର୍ଘଟଣାଗ୍ରସ୍ତ ହୋଇଛି। ଅଫିସିଆଲ ଡ୍ୟୁଟି କରୁଥିବାବେଳେ ଦୁର୍ଘଟଣାର ଶିକାର ହୋଇଛି ଭାରତୀୟ ବାୟୁସେନାର ଏହି ଯୁଦ୍ଧ ବିମାନ। ତେବେ ଦୁର୍ଘଟଣାଗ୍ରସ୍ତ ଜେଟରେ କେତେ ଜଣ ଥିଲେ ଓ ଦୁର୍ଘଟଣାର କାରଣ କ’ଣ, ଏ ବାବଦରେ ଅଧିକ କୌଣସି ସୂଚନା ମିଳିପାରିନାହିଁ। କିନ୍ତୁ ବିମାନର ଧ୍ଵଂସାବଶେଷ ସିରୋହି ଜିଲ୍ଲାରେ ଠାବ ହୋଇଛି। ଭାରତୀୟ ବାୟୁସେନା ଏ ନେଇ ତଦନ୍ତ ନିର୍ଦ୍ଦେଶ ଦେଇଛି।
ସୂଚନାଯୋଗ୍ୟ, ଭାରତୀୟ ବାୟୁସେନାର ମିଗ -୨୧ ଜେଟ୍ ଚଳିତ ମାସ ବିକାନେରରେ ମଧ୍ୟ ଦୁର୍ଘଟଣାଗ୍ରସ୍ତ ହୋଇଥିଲା। ତେବେ ପାଇଲଟ ଜଣଙ୍କ ସୁରକ୍ଷିତ ଥିଲେ।
ନିକଟରେ ଭାରତୀୟ ବାୟୁସେନାର ମିଗ -୨୧ ବିମାନ ପାକିସ୍ତାନର ଏଫ୍-୧୬ ବିମାନକୁ ଆକାଶମାର୍ଗରେ ଧ୍ବଂସ କରିଦେଇଥିଲା। ଏହାକୁ ଚଳାଉଥିଲେ ଭାରତୀୟ ବାୟୁସେନାର ୱିଙ୍ଗ କମାଣ୍ଡର ଅଭିନନ୍ଦନ। ତେବେ ପାକିସ୍ତାନର ବିମାନକୁ ଧ୍ବଂସ କରିବା ପରେ ଏମଆଇଜି-୨୧ ବିମାନଟି ମଧ୍ୟ ନିୟନ୍ତ୍ରଣ ହରାଇ ଦୁର୍ଘଟଣାର ଶିକାର ହୋଇଥିଲା।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
