ନୂଆଦିଲ୍ଲୀ: ଆମେରିକାର କୋଟିପତି ରାୟ ଡାଲିଓ ଭାରତର ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ପ୍ରଶଂସା କରିବା ପରେ ମୋଦି ଏହାର ମଜାଦାର ଉତ୍ତର ଦେଇଛନ୍ତି। ଡାଲିଓ ମୋଦିଙ୍କୁ ବର୍ତ୍ତମାନ ସମୟର ଅନ୍ୟତମ ଶ୍ରେଷ୍ଠ ନେତା କହିଥିଲେ। ଏହା ପରେ ମୋଦି ଉତ୍ତରରେ କହିଥିଲେ ‘ଟ୍ରଲ୍’ ହେବାପାଇଁ ପ୍ରସ୍ତୁତ ରୁହ।
ଏହି ବ୍ୟଙ୍ଗାତ୍ମକ ଟ୍ୱିଟ୍ରେ ମୋଦି କହିଥିଲେ, ମୋ ବନ୍ଧୁ ଡାଲିଓ, ଏହି ପ୍ରଶଂସାର ଶବ୍ଦ ସବୁ ପରେ ଯେଉଁ ଟ୍ରଲିଂ ହେବ, ଏହା ସମ୍ଭବତଃ ତୁମ ପାଇଁ ନିଜ ଧ୍ୟାନ କୌଶଳର ପରୀକ୍ଷା ପାଇଁ ସର୍ବୋତ୍କୃଷ୍ଟ ସମୟ। ଜଣେ ‘ନିଞ୍ଜା’ ପରି ରୁହ।
ପ୍ରଶଂସା ପାଇଁ ଧନ୍ୟବାଦ ଦେବା ପରେ ମୋଦି କହିଥିଲେ, ସୁସ୍ଥ ଆଲୋଚନା ପାଇଁ ସମୟ କାଢ଼। ମୁକ୍ତ ଚିନ୍ତନ ଭାବ ନେଇ ବଞ୍ଚ।
ମୋଦିଙ୍କୁ ପ୍ରଶଂସା କରି ଡାଲିଓ କହିଥିଲେ, ମୋ ମତରେ ଭାରତର ପ୍ରଧାନମନ୍ତ୍ରୀ ଯଦି ଶ୍ରେଷ୍ଠ ନେତା ନୁହେଁ ତାହାଲେ ଅଗ୍ରଣୀଙ୍କ ମଧ୍ୟରେ ଅନ୍ୟତମ। ସେ କିଭଳି ଭାବେ ଭାବେ ଭାବୁଛନ୍ତି ଏବଂ କ’ଣ ଭାବୁଛନ୍ତି ଜାଣିବାକୁ ମୁଁ ସୁଯୋଗ ପାଇଥିଲି। ସେ ଏହି ଟ୍ୱିଟ୍ ସହ ଏକ ଭିଡିଓ ମଧ୍ୟ ଅପ୍ଲୋଡ୍ କରିଥିଲେ। ସାଉଦି ଆରବରେ ବାର୍ଷିକ ନିବେଶକ ବୈଠକ ପରେ ମୋଦି ଭାଗନେଇଥିବାର ଏକ ଦୃଶ୍ୟ ଏଥିରେ ରହିଛି।