ଭୁବନେଶ୍ୱର: ଆଜି ବସୁଛି ରାଜ୍ୟ କ୍ୟାବିନେଟର ଗୁରୁତ୍ୱପୂର୍ଣ୍ଣ ବୈଠକ। ଅପରାହ୍ନରେ ମୁଖ୍ୟମନ୍ତ୍ରୀଙ୍କ ଅଧ୍ୟକ୍ଷତାରେ ବସିବାକୁ ଥିବା କ୍ୟାବିନେଟ୍ ବୈଠକରେ ୧୦ଟି ପ୍ରସ୍ତାବ ଉପରେ ଆଲୋଚନା ହେବାର ସମ୍ଭାବନା ରହିଛି। ବୈଠକରେ ଓଡ଼ିଶା ପ୍ରଫେସ୍ନାଲ୍ ଏଜୁକେସନ୍ ଇନଷ୍ଟିଚ୍ୟୁଟ୍ ଆକ୍ଟ-୨୦୦୭ର ସଂଶୋଧନ ପ୍ରସ୍ତାବ ଉପରେ କ୍ୟାବିନେଟ୍ ମୋହର ଲାଗିପାରେ। ଯାହା ଫଳରେ ଘରୋଇ ବୃତ୍ତିଗତ ଶିକ୍ଷାନୁଷ୍ଠାନଙ୍କୁ ମ୍ୟାନେଜମେଣ୍ଟ କୋଟା ମିଳିବ। ମ୍ୟାନେଜମେଣ୍ଟ କୋଟାରେ ୧୦ ପ୍ରତିଶତ ସିଟ୍ ପୂରଣ ପାଇଁ ବ୍ୟବସ୍ଥା ରହିବ। ୨୦୧୨ ମସିହାରେ ଗଠିତ ସବକମିଟିର ରିପୋର୍ଟ ଆଧାରରେ କ୍ୟାବିନେଟ୍ ଏହି ପ୍ରସ୍ତାବକୁ ମଂଜୁରୀ ଦେବାର ସମ୍ଭାବନା ରହିଛି। ସେହିପରି ଓଡ଼ିଶା ପ୍ରାଶାସନିକ ସେବା ଆଇନରେ ସଂଶୋଧନ, ଖାଦ୍ୟ ପ୍ରକ୍ରିୟାକରଣ ନୀତି ସଂଶୋଧନ, ପ୍ରଶାସନିକ ସେବା ଆୟୋଗରେ ସଦସ୍ୟ ମନୋନୟନ, ବାଦାମ ଓ ସୂର୍ଯ୍ୟମୁଖୀ ଫୁଲ ରପ୍ତାନୀ ଉପରୁ ଭାଟ୍ ଉଚ୍ଛେଦ, ଏସିଆନ୍ ଡେଭଲମେଣ୍ଟ ବ୍ୟାଙ୍କର ଆର୍ଥିକ ସହାୟତାରେ ଧନ୍ଦାମୂଳକ ତାଲିମ ପ୍ରଦାନ ନେଇ ପ୍ରସ୍ତାବ ଉପରେ କ୍ୟାବିନେଟ୍ ମୋହର ଲାଗିପାରେ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।