ଉଦଳା (ମାନସ ପାଣି): ମୟୂରଭଞ୍ଜ ଜିଲ୍ଲା ଖୁଣ୍ଟା ଥାନା ଅର୍ନ୍ତଗତ କହ୍ନେଇବନ୍ଧ-ଧାନଘେରା ରାସ୍ତାରେ ଆଜି ଏକ ପିକ୍ଅପ୍ ଭ୍ୟାନ୍ ଭାରସାମ୍ୟ ହରାଇ ଓଲଟି ପଡ଼ିଛି। ଏଥିରେ ଦୁଇ ଜଣଙ୍କର ମୃତ୍ୟୁ ଘଟିଥିବା ବେଳେ ୨୦ରୁ ଅଧିକ ଲୋକ ଆହତ ହୋଇଛନ୍ତି।
ଆହତଙ୍କ ମଧ୍ୟରୁ ୧୦ ଜଣଙ୍କ ଅବସ୍ଥା ଗୁରୁତର ରହିଛି। ଗୁରୁତରଙ୍କୁ ବାରିପଦା ସ୍ଥାନାନ୍ତର କରାଯାଇଥିବା ବେଳେ ଆହତଙ୍କୁ ଖୁଣ୍ଟା ଡାକ୍ତରଖାନାରେ ଭର୍ତ୍ତି କରାଯାଇଛି।
ମୃତକ ଦ୍ୱୟ ହେଉଛନ୍ତି ମହିଳା। ସେମାନେ ହେଲେ ସୁଲୋଚନା ବିଶ୍ୱାଳ ଓ ଦ୍ରୌପଦୀ ଖଣ୍ଡେଇ। ସମସ୍ତ ମୃତାହତଙ୍କ ଘର ଆରବନ୍ଧ ଗାଁରେ।
ଆଜି ଦିନ ପ୍ରାୟ ଏଗାରଟା ବେଳେ ଏହି ଦୁର୍ଘଟଣା ଘଟିଥିଲା। ପ୍ରାୟ ୪୦ ଜଣ ମହିଳା ଓ ପୁରୁଷ ଏହି ପିକ୍ଭ୍ୟାନ୍ରେ ମକର ମେଳା ଦେଖିବା ପାଇଁ ଅଠରଦେଉଳ ଯାଉଥିବା ବେଳେ ଦୁର୍ଘଟଣାଗ୍ରସ୍ତ ହୋଇଥିଲେ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।