ବଲାଙ୍ଗିର: ପଶୁର୍ରାମ ଶତପଥୀ ହତ୍ୟା ମାମଲାର ଅନ୍ୟତମ ଦୋଷୀ ଆର୍ତ୍ତତ୍ରାଣ ସିଂଦେଓ ବୁଧବାର ବଲାଙ୍ଗିର ଜିଲ୍ଲା ଓ ଦୌରାଜଜ କୋର୍ଟରେ ଆତ୍ମସମର୍ପଣ କରିଛନ୍ତି । ଏହି ମାମଲାରେ ଦୋଷୀ ସାବ୍ୟସ୍ତ ହୋଇଥିବା ଜୀବିତ ୩ ଜଣଙ୍କ ମଧ୍ୟରୁ ପୂର୍ବରୁ ଧୋବେଇ ପୋଢ଼କୁ ବଲାଙ୍ଗିର ପୋଲିସ ଗିରଫ କରିଥିଲା । ଏହି ମାମଲାରେ ଆର୍ତ୍ତତ୍ରାଣ ସିଂଦେଓ ଏବଂ ଅନ୍ୟତମ ଅଭିଯୁକ୍ତ ତଥା ପୂର୍ବତନ ବିଧାୟକ ପ୍ରସନ୍ନ ପାଲଙ୍କୁ ୪ ସପ୍ତାହ ଭିତରେ ତଳ କୋର୍ଟରେ ଆତ୍ମସର୍ମପଣ ଲାଗି ନିର୍ଦ୍ଦେଶ ଦେଇଥିଲେ ସୁପ୍ରିମକୋର୍ଟ । ଏହାସହ ଉଭୟ ଆତ୍ମସର୍ମପଣ ନ କରିବା ଯାଏଁ ସେମାନଙ୍କ ବିରୋଧରେ ଜାମିନ ବିହିନ ଗିରଫ ପରୱାନା ଜାରି ରହିବ ବୋଲି କୋର୍ଟ ତାଙ୍କ ନିର୍ଦ୍ଦେଶରେ ଦର୍ଶାଇଥିଲେ । ଦୀର୍ଘ ୪୧ ବର୍ଷର ଆଇନଗତ ଲଢେ଼ଇ ପରେ ସାମ୍ୱାଦିକ ପଶୁର୍ରାମ ଶତପଥୀ ହତ୍ୟାକାଣ୍ଡର ରାୟ ଦେଇଥିଲେ ହାଇକୋର୍ଟ । ଏଥିରେ ୯ଜଣଙ୍କୁ ଆଜୀବନ କାରାଦଣ୍ଡାଦେଶ ହୋଇଥିଲା । ତେବେ ମାମଲାରେ ଏବେ ମାତ୍ର ୩ ଜଣ ଜୀବିତ ଥିବାବେଳେ ଅନ୍ୟମାନଙ୍କ ମୃତ୍ୟୁ ଘଟିସାରିଛି ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
