ପୁରୀ: ନବକଳେବର ପୂର୍ବରୁ ଶ୍ରୀମନ୍ଦିର ପରିଚଳନା ନେଇ ସରକାରଙ୍କୁ ତୀବ୍ର ସମାଲୋଚନା କରିଛନ୍ତି ପୁରୀ ଶଙ୍କରାଚାର୍ଯ୍ୟ ନିଶ୍ଚଳାନନ୍ଦ ସରସ୍ୱତୀ। ଆଜି ପୁରୀ ଗୋବର୍ଦ୍ଧନ ପୀଠରେ ଏକ ସାମ୍ୱାଦିକ ସମ୍ମିଳନୀରେ ସେ କହିଛନ୍ତି ଯେ,ଶ୍ରୀମନ୍ଦିର ପରିଚାଳନାରେ ଶାସନତନ୍ତ୍ରର ହସ୍ତକ୍ଷେପ ଅନୁଚିତ। ଶ୍ରୀମନ୍ଦିର ପରିଚାଳନା ପାଇଁ ମୁଖ୍ୟ ପ୍ରଶାସକ ପଦ ବେଆଇନ୍। ଶଙ୍କରାଚାର୍ଯ୍ୟ ପରାମର୍ଶଦାତା ନୁହଁନ୍ତି। ସେ ମାର୍ଗଦର୍ଶକ। ଶ୍ରୀମନ୍ଦିର ପରିଚାଳନା ନେଇ ସରକାର ୧୦ ଦିନ ମଧ୍ୟରେ ନିଜ ସୀମା ନିର୍ଦ୍ଧାରଣ କରି ସେ ସଂପର୍କରେ ସର୍ବସାଧାରଣରେ ପ୍ରକାଶ କରନ୍ତୁ ବୋଲି ଶଙ୍କରାଚାର୍ଯ୍ୟ କହିଛନ୍ତି। ତେବେ ଶଙ୍କରାଚାର୍ଯ୍ୟଙ୍କ ସମାଲୋଚନା ସଂପର୍କରେ ପ୍ରତିକ୍ରିୟା ରଖିଛନ୍ତି ଶ୍ରୀମନ୍ଦିର ମୁଖ୍ୟ ପ୍ରଶାସକ ସୁରେଶ ମହାପାତ୍ର।ସେ କହିଛନ୍ତିଯେ, ସ୍ୱତ୍ତ୍ବ ନୀତି ଅନୁସାରେ ଚାଲିଛି ଶ୍ରୀମନ୍ଦିରର ଦୈନଦିନ ରୀତିନୀତି।ରେକର୍ଡସ ଅଫ ରାଇଟ୍ସ ଅନୁସାରେ ଚାଲିଛି ନବକଳେବର ରୀତିନୀତି। ଦୈନଦିନ ରୀତିନୀତିରେ ଶଙ୍କରାଚାର୍ଯ୍ୟଙ୍କ ମତାମତ ଆବଶ୍ୟକ ନାହିଁ। କୌଣସି ଧାର୍ମିକ ଦ୍ୱନ୍ଦ ଆସିଲେ ତାଙ୍କ ପରାମର୍ଶ ନିଆଯିବ ବୋଲି ସେ କହିଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
