ସୁନ୍ଦରଗଡ଼(ବିଜୟ ବରୁଆ): ଫାଙ୍କା ଗୁଳି ଚାଳନା କରି ସୁନ୍ଦରଗଡ଼ ଜିଲ୍ଲା ଧରୁଆଡିହି ଥାନା ଅନ୍ତର୍ଗତ ଗଡ଼ିଆଯୋର ନିକଟରେ ଥିବା ଏକ ପେଟ୍ରୋଲ୍ ପମ୍ପ୍ରୁ ଦୁର୍ବୃତ୍ତମାନେ ଲୁଟ୍ କରିଛନ୍ତି।
ଗତକାଲି ରାତି ପ୍ରାୟ ୯ଟା ୪୫ ମିନିଟ୍ରେ ପ୍ରାୟ ୫ ଜଣ ଦୁର୍ବୃତ୍ତ ୨ଟି ବାଇକ୍ରେ ଆସି ପେଟ୍ରୋଲ ପମ୍ପ୍ରେ ପ୍ରଥମେ ଗୁଳି ଫୁଟାଇଥିଲେ। ଏହାପରେ ପେଟ୍ରୋଲ୍ ପମ୍ପ୍ର ମ୍ୟାନେଜର ରବି ରତ୍ନ ପଟେଲଙ୍କୁ ଆକ୍ରମଣ କରି କ୍ୟାସ୍ କାଉଣ୍ଟରରୁ ପ୍ରାୟ ଦେଢ଼ ଲକ୍ଷ ଟଙ୍କା ଲୁଟି ନେଇଥିଲେ।
ଦୁର୍ବୃତ୍ତଙ୍କ ମଧ୍ୟରୁ ୩ଜଣ ବନ୍ଧୁକ ଧରିଥିବା ବେଳେ ଜଣେ ଭୁଜାଲି ଧରି ପେଟ୍ରୋଲ ପମ୍ପ୍ରେ ଥିବା ଲୋକଙ୍କୁ ଆତଙ୍କିତ କରିଥିଲେ।
ଦୁର୍ବୃତ୍ତମାନେ ସ୍ଥାନୀୟ ଭାଷାରେ କଥାବାର୍ତ୍ତା ହେଉଥିବାରୁ ସେମାନେ ସ୍ଥାନୀୟ ଅଞ୍ଚଳର ହୋଇଥିବେ ବୋଲି ପୁଲିସ୍ ଅନୁମାନ କରୁଛି।
ଘଟଣାସ୍ଥଳରେ ପୁଲିସ୍ ଓ ସାଇଣ୍ଟିଫିକ୍ ଟିମ୍ ପହଞ୍ଚି ତଦନ୍ତ ଆରମ୍ଭ କରିଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।