ଭୁବନେଶ୍ୱର (ଓଡ଼ିଶା ରିପୋର୍ଟର): ରାଜଧାନୀ ଭୁବନେଶ୍ୱରର ଏକ ଡୁପ୍ଲେକ୍ସରେ ଚାଲିଥିବା ଗଞ୍ଜେଇ କାରବାରର ପର୍ଦ୍ଦାଫାସ କରିଛି ଅବକାରୀ ବିଭାଗ। କୋଳଥିଆ ନିକଟ ଏକ ଡୁପ୍ଲେକ୍ସରେ ଅବକାରୀ ବିଭାଗ ଚଢ଼ଉ କରି ୧୦ କ୍ୱିଣ୍ଟାଲ ଗଞ୍ଜେଇ ଜବତ କରିଛି। ଏଥିସହ ଏହି ଘଟଣାରେ ଜଣଙ୍କୁ ଗିରଫ କରିଛି।
ଗିରଫ ବ୍ୟକ୍ତି ଜଣଙ୍କ ହେଉଛନ୍ତି ବାଲେଶ୍ୱର ଜିଲ୍ଲାର ସୁବଳ ସାମନ୍ତରାୟ।
ସୁବଳ ଜଣେ ଆନ୍ତଃରାଜ୍ୟ ଗଞ୍ଜେଇ ମାଫିଆ ବୋଲି ଜଣାପଡ଼ିଛି। ଜବତ ଗଞ୍ଜେଇର ଆନୁମାନିକ ମୂଲ୍ୟ ୫୦ ଲକ୍ଷ ଟଙ୍କା ହେବ। ବାହାର ରାଜ୍ୟକୁ ଗଞ୍ଜେଇ ଚାଲାଣ ଲାଗି ଆସିଥିବା ଜଣାପଡ଼ିଛି।
ଏନେଇ ଅଭିଯୁକ୍ତ ସୁବଳ ସାମନ୍ତରାୟ କହିଛନ୍ତି,“ ଗତ ୬ ମାସ ହେଲା ମୁଁ ଗଞ୍ଜେଇ ବ୍ୟବସାୟ କରୁଛି। ଗଜପତିରୁ ଗଞ୍ଜେଇ ଆଣି ଲୋକେ ମୋତେ ଦିଅନ୍ତି। ମୁଁ ବିକ୍ରି କରେ। ବାହାର ରାଜ୍ୟରୁ ଲୋକେ ଆସି ଗଞ୍ଜେଇ ନେଇ ଯାଆନ୍ତି।”
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
