ଢେଙ୍କନାଳ(ରାଜଶ୍ରୀ ଶତପଥୀ): ଢେଙ୍କାନାଳ ସହରର ଗୋବିନ୍ଦପୁରସ୍ଥିତ କଳ୍ପତରୁ ଆଶ୍ରମରୁ ଜଣେ ୧୦ ବର୍ଷର ଛାତ୍ର ନିଖୋଜ ହୋଇଯାଇଥିବା ଅଭିଯୋଗ ହୋଇଛି। ତାଙ୍କ ନାଁ ଛୋଟୁ ରୋହିତ ଦାସ। ତାଙ୍କ ଘର ରାଜଗାଙ୍ଗପୁରର ଗଡ଼ପୋଷ ଅଞ୍ଚଳରେ ବୋଲି ଜଣାପଡ଼ିଛି। ଗତକାଲି ଏନେଇ ଛାତ୍ରଙ୍କ ପରିବାର ପକ୍ଷରୁ ସଦର ଥାନାରେ ଅଭିଯୋଗ କରାଯାଇଛି। ପୁଲିସ୍ ଘଟଣାର ତଦନ୍ତ ଆରମ୍ଭ କରିଛି।
ଛୋଟୁ କିଛି ବର୍ଷ ହେବ ଆଶ୍ରମରେ ରହୁଥିଲେ। ତେବେ ବୁଧବାରଠାରୁ ସେ ଆଶ୍ରମରେ ନ ଥିବା ଜଣାପଡିଥିଲା। ଛୋଟୁ ନିଖୋଜ ଘଟଣା ଜଣାପଡିବା ପରେ ଆଶ୍ରମର ପରିଚାଳକ ବାବା ମୁରାରୀ ଦାସ ଫେରାର ହୋଇଯାଇଛନ୍ତି।
ବାବା ଦୀର୍ଘବର୍ଷ ହେବ ଆଶ୍ରମକୁ ବେଆଇନ୍ ଭାବେ ତିଆରି କରି ଏଠାରେ ପିଲାମାନଙ୍କୁ ରଖି ନାମ ସଂକୀର୍ତ୍ତନ କରାଉଥିଲେ। ଅଭିଯୋଗ ହେବା ପରେ ସ୍ଥାନୀୟ ତହସିଲଦାର ଆଶ୍ରମରେ ପହଞ୍ଚି ଘଟଣାର ତଦନ୍ତ ଆରମ୍ଭ କରିଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
