ଜାଗର ଯାତ୍ରାରେ ସରବତ ପିଇ ୧୦୦ ଅସୁସ୍ଥ

<p>ସାଲେପୁର(ଓଡ଼ିଶା ରିପୋର୍ଟର): ସରବତ ପିଇ ଗୋଟିଏ ଗାଁର ୧୦୦ ଜଣ ଲୋକ ଅସୁସ୍ଥ ହୋଇପଡ଼ିଛନ୍ତି। ଏହି ଅଭାବନୀୟ ଘଟଣା ଘଟିଛି ସାଲେପୁର ଅନ୍ତର୍ଗତ ରାଇସୁଙ୍ଗୁଡା ଗାଁରେ।</p> <p>ଗତକାଲି ଗାଁର ସ୍ୱପ୍ନେଶ୍ୱର ମନ୍ଦିରରେ ଜାଗର ଯାତ୍ରା ଅନୁଷ୍ଠିତ ହୋଇଥିଲା। ମହାଦୀପ ଉଠିବା ପରେ ଶ୍ରଦ୍ଧାଳୁମାନେ ଯାତ୍ରାରେ ବିକ୍ରି ହେଉଥିବା ସରବତ ପିଇଥିଲେ। ସରବତ ପିଇବାର କିଛି ସମୟ ପରେ ସେମାନେ ହଠାତ୍&zwnj; ଅସୁସ୍ଥ ହୋଇ ପଡ଼ିଥିଲେ। ରାତିରେ ଝାଡାବାନ୍ତି ହେବାରୁ ସେମାନଙ୍କୁ ମାହାଙ୍ଗା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଥିଲା।</p> <p>ସରବତ ପିଇ ଅସୁସ୍ଥ ହୋଇପଡ଼ିଥିବା ସାବିତ୍ରୀ ବେହେରା କହିଛନ୍ତି,&ldquo;ଗତକାଲି ମହାଶିବରାତ୍ରି ଥିବାରୁ ମନ୍ଦିରକୁ ଯାଇଥିଲୁ। ଠାକୁର ଦର୍ଶନ ପରେ ସରପତ ପିଇ ଘରକୁ ଫେରୁଲୁ। ରାତି ୩ଟା ବେଳେ ପେଟ କାଟିଥିଲା। ତାପରେ ବାନ୍ତି ହୋଇଥିଲା।&rdquo;</p> <p>ଚିକିତ୍ସା କରୁଥିବା ଡାକ୍ତର କହିଛନ୍ତି,&ldquo; ଜାଗର ଯାତ୍ରାରେ ବିକ୍ରି ହେଉଥିବା ସରବତ ପିଇ କିଛି ଲୋକଙ୍କ ବିଷ କ୍ରିୟା ହୋଇଛି। ସାଲେପୁର ଡାକ୍ତରଖାନାରେ ପ୍ରାୟ ୨୦ ଜଣ ଭର୍ତ୍ତି ହୋଇଥିବା ବେଳେ ମାହାଙ୍ଗାରେ ମଧ୍ୟ ୨୦ ଜଣ ଚିକିତ୍ସିତ ହେଉଛନ୍ତି।&nbsp; ରାଇସୁଗୁଡା ଉପ ସ୍ୱାସ୍ଥ୍ୟ କେନ୍ଦ୍ରରେ ୩୦ରୁ ୪୦ ଜଣ ରୋଗୀ ଅଛନ୍ତି। ପ୍ରାଥମିକ ଚିକିତ୍ସା ପରେ ସମସ୍ତେ ଭଲ ହୋଇଯିବେ।&rdquo;</p>