ଆସିକା (ମନୋଜ ମୁନୀ) : କରୋନା ମହାମାରୀ ବେଳେ ଅସହାୟ ଓ ଦିବ୍ୟାଙ୍ଗମାନେ ବହୁ ଅସୁବିଧାରେ ପଡ଼ିଛନ୍ତି। ଦୁଇ ଓଳି ଦୁଇ ମୁଠା ଖାଇବାକୁ ପାଉନାହାନ୍ତି। ଏପରି ସମୟରେ ଅସହାୟଙ୍କୁ ରନ୍ଧା ଖାଦ୍ୟ ବାଣ୍ଟିଛନ୍ତି ଆସିକା କେନ୍ଦ୍ରୀୟ ବିଦ୍ୟାଳୟର ଦଶମ ଶ୍ରେଣୀ ଛାତ୍ରଛାତ୍ରୀ।
ଗଞ୍ଜାମ ଜିଲ୍ଲା ଆସିକା କେନ୍ଦ୍ରୀୟ ବିଦ୍ୟାଳୟର ୧୨୦୯-୨୦ ଶିକ୍ଷା ବର୍ଷର ଦଶମ ଶ୍ରେଣୀ ଛାତ୍ରଛାତ୍ରୀମାନେ ନିଜ ଖର୍ଚ୍ଚରେ ଦିବ୍ୟାଙ୍ଗ ଓ ଅସହାୟମାନଙ୍କୁ ବାଣ୍ଟିଛନ୍ତି ରାନ୍ଧଖାଦ୍ୟ। ସହରର ବିଜୁ ପଟ୍ଟନାୟକ ଛକ, ବସଷ୍ଟାଣ୍ଡ, କୋର୍ଟ ଛକ ସମେତ ବିଭିନ୍ନ ସ୍ଥାନରେ ରନ୍ଧା ଖାଦ୍ୟ ବାଣ୍ଟିଛନ୍ତି ଛାତ୍ରଛାତ୍ରୀ। ଏଥିସହ ଶୋଭାଯାତ୍ରାରେ ସହର ପରିକ୍ରମା କରି କୋଭିଡ୍ କଟକଣା ସମ୍ପର୍କରେ ଲୋକଙ୍କୁ ସଚେତନତା କରୁଛନ୍ତି। ଦିବ୍ୟାଙ୍ଗ ଓ ଅସହାୟମାନଙ୍କୁ ମାସ୍କ ଓ ସାନିଟାଇଜର ବାଣ୍ଟିଥିଲେ ଛାତ୍ରଛାତ୍ରୀ। ଆସିକା ବିଧାୟିକା ମଞ୍ଜୁଳା ସ୍ୱାଇଁ ସାମଗ୍ରୀ ବଣ୍ଟନ ବେଳେ ଉପସ୍ଥିତ ରହି କେନ୍ଦ୍ରୀୟ ବିଦ୍ୟାଳୟର ସମସ୍ତ ଛାତ୍ରଛାତ୍ରୀଙ୍କୁ ଉତ୍ସାହିତ କରିଥିଲେ।
ଛାତ୍ରୀ ତୁଳସୀ ପାଣିଗ୍ରାହୀ କହିଛନ୍ତି-“କରୋନା ମହାମାରୀ ବେଳେ ଲୋକମାନେ ନାହିଁନଥିବା ଅସୁବିଧାରେ ସମ୍ମୁଖୀନ ହୋଇଛନ୍ତି। ବିଶେଷକରି ଦିନ ମଜୁରିଆ ଓ ଦିବ୍ୟାଙ୍ଗମାନେ ବେଶୀ ଅସୁବିଧାରେ ପଡ଼ିଛନ୍ତି। ସେମାନେ ଖାଇବାକୁ ପାଉନାହାନ୍ତି। ସେମାନଙ୍କୁ ସହାୟତା ଯୋଗାଇ ଦେବା ପାଇଁ ଏପରି ଉଦ୍ୟମ କରାଯାଇଛି।”
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
