୧୨ ଘଣ୍ଟିଆ କୋମନା ବନ୍ଦ

ନୂଆପଡ଼ା(ମାୟାଧର ସରଫ୍‌): ଅଘୋଷିତ ବିଦ୍ୟୁତ୍‌ କାଟ୍‌ ପ୍ରତିବାଦରେ ଆଜି ୧୨ ଘଣ୍ଟିଆ କୋମନା ବନ୍ଦ ଡାକରା ଦିଆଯାଇଛି। ନୂଆପଡ଼ା ଜିଲ୍ଲା କୋମନା ବ୍ଲକ୍‌ର  ବିଭିନ୍ନ ଯୁବକ ସଂଘ ଏହି ବନ୍ଦ ଡାକରା ଦେଇଛି। ସକାଳ ୬ଟାରୁ ସନ୍ଧ୍ୟା ୬ଟା ଯାଏଁ ଏହି ବନ୍ଦ ଡାକରା ଦିଆଯାଇଛି।

ବନ୍ଦ ଯୋଗୁଁ  ଦୋକାନ ବଜାର ବନ୍ଦ ରହିବା ସହ ବିଭିନ୍ନ ସରକାରୀ ବେସରକାରୀ କାର୍ଯ୍ୟାଳୟ ବନ୍ଦ ରହିଛି। ତେବେ ଆଜି ମାଟ୍ରିକ ସପ୍ଲିମେଣ୍ଟାରୀ ପରୀକ୍ଷା ଥିବାରୁ କେବଳ ଯାତ୍ରୀବାହୀ ବସ୍‌ ଚଳାଚଳ କରୁଛି। ଟ୍ରକ୍ ଓ ଭାରିଯାନକୁ ଅଟକାଇ ରଖାଯାଇଛି। କୋମନା ଅଞ୍ଚଳରେ ବାରମ୍ୱାର ବିଦ୍ୟୁତ୍‌  ବିଭ୍ରାଟ ଯୋଗୁଁ ଲୋକେ  ଅନେକ ସମସ୍ୟାର ସମ୍ମୁଖୀନ ହେଉଛନ୍ତି।