କେନ୍ଦ୍ରାପଡ଼ା(ମନୋଜ ସ୍ୱାଇଁ): କେନ୍ଦ୍ରାପଡ଼ା ଜିଲ୍ଲାରେ ଆଉ ୧୩ କରୋନା ପଜିଟିଭ୍ ଚିହ୍ନଟ ହୋଇଛି। ଏନେଇ କେନ୍ଦ୍ରାପଡ଼ା ଜିଲ୍ଲାପାଳ ଟ୍ୱିଟ୍ କରି ସୂଚନା ଦେଇଛନ୍ତି। ନୂଆ ଆକ୍ରାନ୍ତଙ୍କୁ ମିଶାଇ ଜିଲ୍ଲାରେ ମୋଟ୍ ଆକ୍ରାନ୍ତଙ୍କ ସଂଖ୍ୟା ୨୨କୁ ବୃଦ୍ଧି ପାଇଛି। ପୂର୍ବରୁ ରାଜ୍ୟରେ କରୋନା ଆକ୍ରାନ୍ତଙ୍କ ସଂଖ୍ୟା ୬୧୧ ଥିବା ବେଳେ ଏବେ ଏହି ସଂଖ୍ୟା ୬୨୩ରେ ପହଞ୍ଚିଛି।
କେନ୍ଦ୍ରାପଡ଼ାରେ ନୂଆ ଆକ୍ରାନ୍ତ ଚିହ୍ନଟ ନେଇ ଜିଲ୍ଲାପାଳ ଟ୍ୱିଟ୍ କରିଥିବା ବେଳେ ରାଜ୍ୟ ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗ ପକ୍ଷରୁ ବର୍ତ୍ତମାନ ସୁଦ୍ଧା ଏ ସମ୍ପର୍କରେ କୌଣସି ସୂଚନା ଦିଆଯାଇ ନାହିଁ।
କେନ୍ଦ୍ରାପଡ଼ା ଜିଲ୍ଲାପାଳ ସମର୍ଥ ବର୍ମାଙ୍କ ନିକଟରୁ ମିଳିଥିବା ସୂଚନା ଅନୁଯା୍ରୀ, ସମସ୍ତ ୧୩ ଚିହ୍ନଟ ସୁରତ ଫେରନ୍ତା । ଆକ୍ରାନ୍ତମାନେ ମହାକାଳପଡ଼ା, କେନ୍ଦ୍ରାପଡ଼ା ଓ ରାଜକନିକା ବ୍ଲକ ଅଞ୍ଚଳର। ସୁରତରୁ ଫେରିବା ପରେ ସମସ୍ତେ ସରକାରୀ କ୍ୱାରେଣ୍ଟିନରେ ଥିଲେ। ତେଣୁ ସେମାନଙ୍କର କମ୍ୟୁନିଟି ସଂପର୍କ ନାହିଁ। ଏଯାଏ ବାହାର ରାଜ୍ୟରୁ ୫ ହଜାର ପ୍ରବାସୀ ଆସିଥିବା କହିଲେ କେନ୍ଦ୍ରାପଡ଼ା ଜିଲ୍ଲାପାଳ।
13 new cases have been identified today in kendrapara district. All Surat returnees living in quarantine centres of Mahakalpara, kendrapara and kanika block... they have no interaction with public. They have been shifted to hospital. No need to panic
— Collector Kendrapara🇮🇳 (@dmkendrapara) May 14, 2020