ଗଭୀର ସମୁଦ୍ରରୁ ଜୀବନ ନେଇ କୂଳକୁ ଫେରିଲେ ୧୪ ମତ୍ସ୍ୟଜୀବୀ

ପାରାଦୀପ(ଏନ୍‌ଏମ୍‌ ବୈଶାଖ): ଜୀବନ ଓ ଜୀବିକା ପାଇଁ ସେମାନେ ଗଭୀର ସମୁଦ୍ରକୁ ମାଛ ଧରିବାକୁ ଯାଇଥିଲେ। ହଠାତ୍‌ ମାଡ଼ି ଆସିଲା ଝଡ ତୋଫାନ୍‌। ମତ୍ସ୍ୟଜୀବୀମାନେ କିଛି ବୁଝିପାରିଲେ ନାହିଁ। ସମୁଦ୍ରର କୋପ ଦେଖି କିଛି କୂଳକୁ ଫେରିଆସିବାକୁ ଉଦ୍ୟମ କଲା ବେଳେ ୧୪ ଜଣ ମତ୍ସ୍ୟଜୀବୀ ମଝି ସମୁଦ୍ରରେ ଫସି ଯାଇଥିଲେ।

ସୌଭାଗ୍ୟକ୍ରମେ କୋଷ୍ଟଗାର୍ଡ ଅଧିକାରୀମାନେ ସେମାନଙ୍କୁ ଉଦ୍ଧାର କରିଛନ୍ତି। ସେମାନେ ଏବେ ସୁରକ୍ଷିତ ଭାବେ ଘାରକୁ ଫେରିଛନ୍ତି।

ଗତ ୨୦ ତାରିଖରେ ବଙ୍ଗୋପସାଗରରେ ସୃଷ୍ଟି ହୋଇଥିବା ଲଘୁଚାପ ଅବପାତର ରୂପ ନେଇ ଝଡ଼ ବାତ୍ୟା ହୋଇଥିଲା। ମାତ୍ର ଏ ସମ୍ପର୍କରେ ସୂଚନା ନପାଇ ପାରାଦୀପରୁ କେତେକ ମତ୍ସ୍ୟଜୀବୀ ଗଭୀର ସମୁଦ୍ର ଭିତରକୁ ମାଛ ଧରିବାକୁ ଯାଇଥିଲେ।

ସମୁଦ୍ର ଅଶାନ୍ତ ରହୁଥିବା ଦେଖି କିଛି ମତ୍ସ୍ୟଜୀବୀ କୂଳକୁ ଫେରି ଆସିଥିଲେ। ହେଲେ ‘ନିର୍ମାଣ-୬’ ଓ ‘ଓମ୍ ମାଆ ପାର୍ବତୀ’ ନାମକ ୨ଟି ବୋଟ୍‌ରେ ଯାଇଥିବା ୧୪ଜଣ ମତ୍ସ୍ୟଜୀବୀ ଆସିନପାରି ଗଭୀର ସମୂଦ୍ରରେ ଫସି ଯାଇଥିଲେ।

ଝଡ଼ବାତ୍ୟାର ପ୍ରକୋପ ବଢିବା ସାଙ୍ଗକୁ ୧୪ଜଣଙ୍କ ଜୀବନ ପ୍ରତି ମଧ୍ୟ ବିପଦ ଦେଖା ଦେଇଥିଲା। ଏ ସମ୍ପର୍କରେ ମତ୍ସଜୀବୀ ସଂଘର କର୍ମକର୍ତ୍ତା ସ୍ଥାନୀୟ କୋଷ୍ଟଗାର୍ଡ କାର୍ଯ୍ୟାଳୟକୁ ଅବଗତ କରାଇଥିଲେ। ଖବର ପାଇ କୋଷ୍ଟଗାର୍ଡ ଜାହାଜ ‘ସୁଜୟ’ ସମୁଦ୍ର ମଧ୍ୟକୁ ଯାଇ ୨ଟି ବୋଟ୍‌କୁ ଠାବ କରିବା ସହ ‌ ୧୪ଜଣ ମତ୍ସ୍ୟଜୀବୀଙ୍କୁ ଉଦ୍ଧାର କରିବାରେ ସଫଳ ହୋଇଥିଲା।

ତେବେ ଆଜି ପାଗ ବଦଳିବା ପରେ କୂଳକୁ ଅଣାଯାଇ ସେମାନଙ୍କ ସ୍ୱାସ୍ଥ୍ୟ ପରୀକ୍ଷା କରି ଛାଡ଼ି ଦିଆଯାଇଛି।

ଆହୁରି ପଢ଼ନ୍ତୁ

ଦୁର୍ଘଟଣାଗ୍ରସ୍ତ ବିମାନର ବ୍ଲାକବକ୍ସ ଠାବ, ଘଟଣାସ୍ଥଳରେ କେନ୍ଦ୍ରମନ୍ତ୍ରୀ

୮ ଅଗଷ୍ଟ, ଶନିବାର: ମନ ବିଚଳିତ ରହିବ

୨୦୨୧ରେ ଭାରତରେ ହେବ ଟି-୨୦ ବିଶ୍ୱକପ, ୨୦୨୨ରେ ଅଷ୍ଟ୍ରେଲିଆ ପାଳି

ସୁଶାନ୍ତଙ୍କ ମୃତ୍ୟୁ ଘଟଣା: ସୁପ୍ରିମକୋର୍ଟ ଗଲା ସିବିଆଇ

ଚୀନରୁ ଆସୁଛି ଆଉ ଏକ ଭୂତାଣୁ: ଗଲାଣି ୭ ଜଣଙ୍କ ଜୀବନ, ୬୦ ସଂକ୍ରମିତ

ଭାରତ ପରେ ଆମେରିକାରେ ବ୍ୟାନ୍‌ ହେଲା ଟିକଟକ, ଟ୍ରମ୍ପ ଦେଲେ ଏମିତି ନିର୍ଦ୍ଦେଶ

ଏବେ ‘କ’ଣ ଭାବିବା’ ନୁହେଁ ‘କିପରି ଭାବିବା’: ମୋଦି

୭ ଅଗଷ୍ଟ, ଶୁକ୍ରବାର: ଅଧିକ ପରିଶ୍ରମ କରିବେ

ସିବିଆଇ ପଞ୍ଝାରେ ରିୟା, ରୁଜୁ ହେଲା ମାମଲା

ରିୟାଙ୍କ ପାଇଁ ବେଙ୍ଗଲି ଝିଅ ଓ ମହିଳାଙ୍କୁ ଟାର୍ଗେଟ, ତଦନ୍ତ ଆରମ୍ଭ କଲା କୋଲକାତା ପୁଲିସ୍‌

ଦିଶାଙ୍କ ମୃତ୍ୟୁ ପରେ ସୁଶାନ୍ତଙ୍କଠାରୁ ଦୂରେଇ ଯାଇଥିଲେ ରିୟା, କିନ୍ତୁ କାହିଁକି?

ଭାରତୀୟ ସୀମାରେ ପଶି ଯାଇଥିଲା ଚାଇନା, ତଥ୍ୟ ପ୍ରକାଶ କରି ଡିଲିଟ କରିଦେଲା ପ୍ରତିରକ୍ଷା ମନ୍ତ୍ରଣାଳୟ