ଭୁବନେଶ୍ୱର(ଓଡ଼ିଶା ରିପୋର୍ଟର): ୨୦୩୦ ସୁଦ୍ଧା ଓଡ଼ିଶାରେ ଖଣିଜ ଉତ୍ପାଦନ ଶହେ ମିଲିୟନ୍ ଟନ୍ ହେବ । କେନ୍ଦ୍ର ଇସ୍ପାତ ସଚିବଙ୍କ ବୈଠକ ପରେ ଏହି ସୂଚନା ଦେଇଛନ୍ତି ଉନ୍ନୟନ କମିଶନର ଅସିତ୍ ତ୍ରିପାଠୀ । ଗତକାଲି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ସୌଜନ୍ୟମୂଳକ ସାକ୍ଷାତ କରିଥିଲେ କେନ୍ଦ୍ର ଇସ୍ପାତ ସଚିବ ।
ବୈଠକ ପରେ ଉନ୍ନୟନ କମିଶନର କହିଛନ୍ତି ଏବେ ରାଜ୍ୟର ଖଣିଜ ଉତ୍ପାଦନ ୩୩ ମିଲିୟନ୍ ଟନ୍ ରହିଛି । ତେବେ ଶହେ ମିଲିୟନ୍ ଟନ୍ ଲକ୍ଷ୍ୟ ପୂରଣ ପାଇଁ କେନ୍ଦ୍ର, ରାଜ୍ୟ ମିଳିତ ଭାବେ କାମ କରିବେ ।
ଏଥିପାଇଁ ଷ୍ଟିଲ ହବ୍, ଭିତ୍ତିଭୂମି ଓ କ୍ଲଷ୍ଟରର ବିକାଶ, ରେଳ, ସଡ଼କ ଓ ଜଳପଥର ଉନ୍ନତି କରାଯିବା ନେଇ ଷ୍ଟିଲ୍ ସଚିବଙ୍କ ସହ ଆଲୋଚନା ହୋଇଛି । ସେହିପରି ବିଜୁପଟ୍ଟନାୟକ ଷ୍ଟିଲ୍ ଇନଷ୍ଟିଚ୍ୟୁଟ ବିଶ୍ୱବିଦ୍ୟାଳୟ କରାଯିବାକୁ ମଧ୍ୟ ଷ୍ଟିଲ୍ ସଚିବଙ୍କ ପାଖରେ ଦାବି ରଖାଯାଇଥିବା ଉନ୍ନୟନ କମିଶନର ସୂଚନା ଦେଇଛନ୍ତି ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
