ବାରିପଦାରେ ସିରିଜ୍‌ ଦୁର୍ଘଟଣା; ଆୟୁଷ ଡାକ୍ତରଙ୍କ ସମେତ ୨ ଜଣଙ୍କ ମୃତ୍ୟୁ

ବାରିପଦା (ମାଣିକଲାଲ ପାଣି): ମୟୂରଭଞ୍ଜ  ଜିଲ୍ଲାରେ ଘଟିଛି ସିରିଜ୍ ଦୁର୍ଘଟଣା। ଏଥିରେ ୨ ଜଣଙ୍କର ମୃତ୍ୟୁ ଘଟିଛି। ଆଉ ତିନି ଜଣ ଗୁରୁତର ଆହତ ହୋଇଛନ୍ତି। ମୃତକଙ୍କ ମଧ୍ୟରେ ଜଣେ ଆୟୁଷ ଡାକ୍ତର ମଧ୍ୟ ଅଛନ୍ତି।

ଗତାକାଲି ରାତି ପ୍ରାୟ ୮ଟା ବେଳେ ବାଇଗଣ ବାଡିଆ ଛକ ନିକଟରେ ୧୮ ନମ୍ବର ଜାତୀୟ ରାଜପଥରେ ଏହି ସିରିଜ୍ ଦୁର୍ଘଟଣା ଘଟିଥିଲା। ପ୍ରଥମେ ଜଣେ ସାଇକେଲ୍ ଆରୋହୀଙ୍କୁ ଏକ ବାଇକ୍ ଧକ୍କା ଦେଇଥିଲା। ଫଳରେ ଉଭୟ ସାଇକେଲ୍ ଓ ବାଇକ୍‌ ଆରୋହୀ ରାସ୍ତା ଉପରେ ଛିଟିକି ପଡ଼ିଥିଲେ।

ଦୁଇ ଜଣ ରାସ୍ତାରେ ପଡ଼ିଥିବା ଦେଖି ପଛରୁ ଦ୍ରୁତ ଗତିରେ ଆସୁଥିବା ଏକ ଡମ୍ପର ହଠାତ୍‌ ବ୍ରେକ୍ ମାରିଥିଲା। ଫଳରେ ଡମ୍ପର ପଛରେ  ଆସୁଥିବା ଆଉ କିଛି ବାଇକ୍ ଓ ସାଇକେଲ ବି ଦୁର୍ଘଟଣାଗ୍ରସ୍ତ ହୋଇଥିଲେ।

ଏହି ଦୁର୍ଘଟଣାରେ ଆୟୁଷ ଡାକ୍ତର ରାମଚନ୍ଦ୍ର ହେମ୍ବ୍ରମଙ୍କର ଘଟଣାସ୍ଥଳରେ ମୃତ୍ୟୁ ହୋଇଥିଲା। ସେ କୁଳିଅଣା ଡାକ୍ତରଖାନାରେ କାମ କରୁଥିଲେ। ଆଉ ଜଣେ ବାଇକ୍‌ ଆରୋହୀଙ୍କର ବାରିପଦା ମେଡିକାଲରେ ମୃତ୍ୟୁ ହୋଇଥିଲା। ହେଲେ ଏଯାଏ ତାଙ୍କ ପରିଚୟ ମିଳିପାରିନି। ୩ ଗୁରୁତର ଏବେ ଚିକିତ୍ସାଧୀନ ଅଛନ୍ତି।

 

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।