ଭୁବନେଶ୍ୱର(ଓଡ଼ିଶା ରିପୋର୍ଟର): ଦ୍ୱିତୀୟ ପର୍ଯ୍ୟାୟ ଭୋଟ୍ ପାଇଁ ମୋଟ ୨୯୮ଜଣ ପ୍ରାର୍ଥୀଙ୍କ ନାମାଙ୍କନ ପତ୍ର କାଏମ ରହିଛି। ଏଥିରେ ବିଧାନସଭା ପାଇଁ ୨୬୧ଟି ଓ ଲୋକସଭା ପାଇଁ ୩୭ଜଣ ପ୍ରାର୍ଥୀଙ୍କ ନାମାଙ୍କନ ପତ୍ର କାଏମ ରହିଛି। ଦ୍ୱିତୀୟ ପର୍ଯ୍ୟାୟରେ ୫ଟି ଲୋକସଭା ଓ ୩୫ ବିଧାନସଭା ପାଇଁ ଏପ୍ରିଲ ୧୮ତାରିଖରେ ନିର୍ବାଚନ ହେଉଛି।
ମୁଖ୍ୟ ନିର୍ବାଚନ ଅଧିକାରୀଙ୍କ କାର୍ଯ୍ୟାଳୟ ପକ୍ଷରୁ ଜାରି ପ୍ରେସ୍ ରିଲିଜ ଅନୁସାରେ ୩୫ଟି ବିଧାନସଭା ପାଇଁ ମୋଟ ୨୯୯ଜଣ ଓ ୫ଟି ଲୋକସଭା ପାଇଁ ୪୫ଜଣ ପ୍ରାର୍ଥୀ ନାମାଙ୍କନ ପତ୍ର ଦାଖଲ କରିଥିଲେ। ସେଥିରୁ ବିଧାନସଭାରେ ୩୮ଜଣଙ୍କର ଓ ଲୋକସଭାରେ ୮ଜଣଙ୍କ ନାମାଙ୍କନ ପତ୍ର ନାକଚ ହୋଇଯାଇଛି।
ସେହିପରି ନିର୍ବାଚନକୁ ଶାନ୍ତିଶୃଙ୍ଖଳାର ସହ ପରିଚାଳନା ନିମନ୍ତେ ରାଜ୍ୟରେ ଆଜି ସୁଦ୍ଧା ୫୨୫୫ଟି ଜାମିନ ବିହୀନ ପରୱାନା କାର୍ଯ୍ୟକାରୀ ହୋଇଛି। ୨୭,୮୧୮ଜଣଙ୍କୁ ବିଭିନ୍ନ ଦଫାରେ ଅଟକ ରଖାଯାଇଛି। ଆଜିସୁଦ୍ଧା ବିଭିନ୍ନ ସ୍ଥାନରୁ ଫ୍ଲାଇଙ୍ଗ୍ ସ୍କ୍ୱାର୍ଡ ଓ ପୁଲିସ ଦ୍ୱାରା ୨୧ଲକ୍ଷ ୭୫ହଜାର ୪୧୦ଟଙ୍କା ଜବତ କରାଯାଇଥିବା ଜଣାପଡ଼ିଛି।