ଭୁବନେଶ୍ୱର(ଓଡ଼ିଶା ରିପୋର୍ଟର): କରୋନା ମହାମାରୀକୁ ମାତ୍ ଦେବାର ଏକମାତ୍ର ଉପାୟ ହେଉଛି ଟିକା । ଲୋକଙ୍କୁ ଏହି ଘାତକ ସଂକ୍ରମଣରୁ କେବଳ ଟିକା ହିଁ ରକ୍ଷା କରିପାରିବ। ଏତେ ବଡ଼ ଦେଶରେ ସମସ୍ତଙ୍କୁ ଟିକା ଦେବା ସହଜ କଥା ନୁହେଁ । ତେଣୁ ପ୍ରକୃତ ଟିକାକରଣ ବେଳେ ଯେମିତି କିଛି ଅସୁବିଧା ନ ହୁଏ, ସେଥିପାଇଁ ତାର ପୂର୍ବାଭ୍ୟାସ କରାଯାଇଛି । ଆଗରୁ ଥରେ ଏମିତି ରିହର୍ସଲ କରାଯାଇଥିବା ବେଳେ ଆଜି ଥିଲା ଦ୍ୱିତୀୟ ପର୍ଯ୍ୟାୟ ଡ୍ରାଏ ରନ୍ ।
ଆଜି ୧୧୦ଟି ସାଇଟରେ ହୋଇଛି ଦ୍ୱିତୀୟ ପଯର୍ୟାୟ ଡ୍ରାଏ ରନ୍ । ଟିକାକରଣ କେନ୍ଦ୍ରକୁ ଲୋକେ ଆସୁଛନ୍ତି । ପ୍ରଥମେ ୱେଟିଂ ରୁମ୍ରେ ଅପେକ୍ଷା, ତା ପରେ ପୋର୍ଟାଲରେ ନାଁ ଯାଞ୍ଚ କରାଯାଇଥିଲା। ଆଉ ଜଣକ ପରେ ଜଣକୁ ଟିକା କରଣ କରାଯାଇଛି।
ଅନ୍ୟପକ୍ଷରେ ରାଜ୍ୟକୁ ଖୁବ ଶୀଘ୍ର ଆସିବ କରୋନା ଟିକା । ତେବେ ଟିକାକରଣକୁ ନେଇ କେତେକ ଆପ୍ ଚର୍ଚ୍ଚାକୁ ଆସିଥିବା ବେଳେ ଡିଏମ୍ଇଟି ସିବିକେ ମହାନ୍ତି କହିଛନ୍ତି, ଏବେ କେବଳ ସରକାରଙ୍କ ପକ୍ଷରୁ ହିଁ ଟିକାକରଣ ବ୍ୟବସ୍ଥା ଅଛି। ତେଣୁ କୌଣସି ଫେକ୍ ଆପ୍ ଉପରେ ବିଶ୍ୱାସ ନ କରିବାକୁ ସେ ପରାମର୍ଶ ଦେଇଛନ୍ତି। କେବଳ ଓଡ଼ିଶା ନୁହେଁ ଆଜି ୩୩ ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳର ୭୩୬ ଜିଲ୍ଲାରେ ଦ୍ୱିତୀୟ ପର୍ଯ୍ୟାୟ ଡ୍ରାଏ ରନ୍ ହୋଇଛି ।
ଏହା ଆଗରୁ ଗତ ୨ ତାରିଖରେ ସାରା ଦେଶରେ କରୋନା ଟିକାକରଣର ପ୍ରଥମ ପର୍ଯ୍ୟାୟ ଡ୍ରାଏ ରନ୍ ହୋଇଥିଲା । ପ୍ରକୃତ ଟିକାକରଣ ବେଳେ ପୂର୍ବାଞ୍ଚଳର ନୋଡାଲ ସେଣ୍ଟର ଭାବେ କାମ କରିବ କୋଲକାତା। ତେବେ ଓଡ଼ିଶାକୁ ସିଧା ଟିକା କମ୍ପାନିରୁ ଭ୍ୟାକ୍ସିନ ଆସିବ ବୋଲି ଜଣାପଡ଼ିଛି ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
